Cesc Fabregas wabaye umukinnyi ukomeye w’ikipe y’igihugu ya Esipanye ndeste n’amakipe nka Arsenal, Barcelona na Chelsea yamaze gutagaza ko asezeye umupira w’amaguru ku myaka 36.
Uyu Munya-Esipanye yatangiye gukina mu ikipe y’abato ya Barcelona ya La Masia, ariko atangira gukina kinyamwuga muri Arsenal afite imyaka 16, yahamaze season umunani mbere yo gusubira muri Cataloniya mu ikipe yamureze ya Barcelona.
Fabregas yatwaye igikombe cya FA Cup muri Arsenal, ndetse agirira ibihe byiza mu ikipe ya Barcelona kuko yahatwariye ibikombe nka La Liga Shampiyona ya Espaigne, Copa del Rey igikombe cy’umwami, UEFA Super Cup ndetse na FIFA Club World Cup mu myaka itatu yahamaze.
Fabregas yahise asubira muri Premier League mu ikipe ya Chelsea maze atwara ibikombe bibiri, ari kumwe n’umutoza Jose Mourinho ndeste ikindi agitwarana ari kumwe na Antonio Conte.
Yatwaye kandi igikombe cya FA hamwe n’iyi kipe yambara Ubururu, Chelsea. Fabrigas kandi yakiniye ikipe ya Monaco yo mu Bufarasa n’ikipe aherukamo ya Como yo mu Butaliyani.
Fabregas yari amaze gukinira ikipe y’igihugu ya Esioanye imikino igera 110, yegukana igikombe cy’Isi, ndeste n’ibikombe bibiri bya Europe. Fabrigas yatwaye ibikombe 12 ku mugabane w’u Burayi mu myaka 20 yakinnye.
Mu butumwa yasangije abamukurikira kuri Twitter yagize ati: “Nyuma y’imyaka 20 idasanzwe yuzuye ibyishimo, umunezero n’ishyaka, igihe kirageze cyo kongera kubashimira no gusezera siporo nziza cyane ku isi. Nakundaga buri munota.”
Karemera Jean Luc