Intagondwa z’interahamwe n’abajenosideri bihishe i Burayi bibumbiye mu gatsiko ka FDU-Inkingi, bongeye guhurira i Buruseli mu Bubiligi mu gikorwa cyo guhemba abahezanguni bahize abandi mu guhakana no gupfobya Jenoside yakorewe abatutsi mu 1994.
Ni mu gikorwa ngarukamwaka cyabaye ku wa Gatandatu tariki ya 28 Gashyantare 2026 cyiswe “Le Prix Victoire Ingabire Umuhoza pour la Démocratie et la Paix”, maze hatangwa igikombe cyitiriwe umuhezanguni w’umugome Ingabire Victoire Umuhoza.
Izi ngirwa bihembo zitegurwa n’agatsiko k’abagore b’interahamwe kiyita “RIFDP”.
Mu gutanga izi ngirwa-bihembi usanga abashyigikiye ingengabitekerezo ya Jenoside, abahakana n’abapfobya Jenoside yakorewe Abatutsi ari bo bahemberwa ibyo uwo murongo ugayitse biyemeje kugenderaho.
Kuri iyi nshuro hahembwe abahezanguni bazwiho guhora bahakana Jenoside, ndetse banga urunuka ubuyobozi bw’u Rwanda ndeste bakaba bakunze kugaragara bandika inyandiko zisenya ibimaze kugerwaho n’ubuyobozi burangajwe imbere na FPR-Inkotanyi.
Muri abo harimo umuhezanguni Charles Taku, umunyamategeko ukomoka mu gihugu cya Cameroon wamaramaje mu gupfobya no guhakana Jenoside yakorewe abatutsi ndetse akaba yanga urunuka Umuryango FPR-Inkotanyi aho adahwema kuwugerekaho ibyaha by’ibihimbano.
Harimo kandi Rosa Moro, umugore w’umuhezanguni wo muri Isipanye (Spain) wiyita umwanditsi n’impirimbanyi, azwiho gupfobya ubutitsa Jenoside yakorewe Abatutsi aho avuga ko “habaye jenoside ebyiri”.
Uyu muhezanguni avuga kandi ko “ibyaha byakorewe abahutu nabyo bigomba kurebwa ku rwego rumwe nk’uko iby’Abatutsi birebwa” kimwe nka mugenzi we Charles Taku nawe yanga urunuka FPR-Inkotanyi.
Ku rutonde rw’abahawe ibi bihembo byitiriwe Ingabire hagaragaraho kandi Père Serge Desouter, umupadiri w’umuhezanguni ufite inkomoko mu Bubiligi uzwiho kwibasira ubuyobozi bw’u Rwanda, agahakana jenoside yakorewe abatutsi aho akunze kumvikana yemeza ko “habayeho ibyaha nyokomuntu byakorewe abahutu” ari nako agoreka amateka y’u Rwanda.
Aba bahawe ingirwa gihembo bahuriye ku cyita rusange cyo guhakana no gupfobya Jenoside yakorewe Abatutsi ndetse no kwibasira ubuyobozi bw’u Rwanda, baje biyongera ku bandi babihawe mu myaka yatambutse.
Ikindi aba banzi b’u Rwanda bagizwe n’abahezanguni birengagiza ni uko Jenoside yabaye mu Rwanda ni iyakorewe Abatutsi ndetse byanemejwe n’Umuryango w’Abibumbye. Ubu mu mateka y’Isi ntaho wasanga icyo bita “jenoside yakorewe abahutu” kandi impamvu ntaho nuko ntayigeze iba.
Izi nyangabirama zo muri FDU-Inkingi uko zahemba izi mburamukoro kose ntabwo bizahanagura uruhare zagize muri jenoside yakorewe abatutsi mu 1994.
Mukobwajana Linda