Ikipe ya Paris Saint Germain ikinamo ikirangirire Lionel Messi yatsinze ikipe y’intoranywa muri Shampiyona ya Arabie Saoudite iyobowe na Cristiano Ronaldo ibitego 5-4.
Byari mu mukino wa gicuti wabereye kuri Sitate ya “King Fahd International” muri Arabie Saoudite kuri yu wa Kane tariki ya 19 Mutarama 2023.
Ni umukino wari witabiriwe n’abafana ibihumbi 68 bari banyotewe no kongera kwirebera imbona nkubone ibihangange muri ruhago birimo Christiano Ronaldo, Messi, Mbappe, Neymar n’abandi bakinira Paris Saint Germain.
Ikipe y’intoranywa yari iyobowe na Cristiano yari igizwe n’abakinnyi ba Al Nassr ya Cristiano ndetse n’aba Al Hilal.
Ibitego bya PSG byatsinzwe n’abarimo Messi watsinze igitego cya mbere ku munota wa 3, icya kabiri gitsindwa na Marquinhos, icya gatatu gitsindwa na Sergio Ramos, icya Kane gitsindwa na Kylan Mbappe naho icya nyuma gistindwa na Hugo Ekitike.
Cristiano Ronaldo watsinze ibitego bibiri ku ruhande rw’iriya kipe y’intiranywa yo muri Arabie Saoudite ni we watowe nk’umukinnyi mwiza muri uwo mukino mu gihe PSG yawutsinze yahawe igikombe cyiswe “Riyadh Season Cup”.
Amafoto: Saudi 2027
Karemera Jean Luc