Ikipe ya Manchester United kuri uyu wa Gatatu tariki ya 8 Gashyantare 2023, yanganyije ibitego 2 – 2 na Leads, ikipe iri ku mwanya 16 muri shampiyona y’u Bwongereza (Premiere League).
Ni umukino wabereye ku kibuga cya Manchester, Old Trafford. Ikipe ya Leeds niyo yashakaga amanota cyane nyuma yokwirukana umutoza Jesse Marsch kuri uyu wa mbere.
Leeds niyo yabaje ibitego bibiri, kuko icya mbere cyagiyemo ku munota wa mbere gusa gitsinzwe na Willfred Gnonto. Igice cya mbere cyarangiye Leeds iri imbere.
Igice cya kabiri cyatagiye ikipe ya Manchester united ishaka kwishyura igitego, ariko ntibyayikundiye kuko ku munota wa 48 myugariro wayo Raphael Varane yaje kwitsinda igitego ari cyo cya kabiri cya Leeds.
Manchester United yahise irya karungu kuko ku munota wa 62 na 70, Marcus Rashford na Jadon Sancho babujije ikipe ya Leads gutahana amanota atatu kuri Old Trafford.
Ikipe ya Manchester United yagumye ku mwanya wa gatatu n’amanota 43 ikarushwa n’ikipe ya mbere ya Arsenal amanota 13 yose.
Karemera Jean Luc