Ikipe ya Arsenal yari imaze igihe yarahawe akabyiniro k’inzovu iri mu giti, ntikibarizwa ku mwanya wa mbere muri shampiyona y’u Bwongereza (Premier Legue).
Ni nyuma y’uko iyi kipe inyagiwe na Manchester City ibitego 3 – 1 mu mukino wabereye kuri ku kibuga cya Arsenal, Emirates Standium, kuri uyu wa Gatatu tariki ya 15 Gashyantare 2023.
Ni umukino wari ubereye ijisho kuko Arsenal yifuzaga kugumama umwanya wa mbere mu gihe Manchester City nayo yashakaga uwo mwanya kugira ngo biyihe amahirwe yo kwisubiza igikombe cya shampiyona.
Igice cya mbere cyarangiye amakipe yombi afite igitego kimwe, Manchester City ni yo yabonye igitego cya mbere ku munota wa 24 gitsinzwe na Kevin De Bruyne ku makosa akomeye ya myugariro wa Arsenal Takehiro Tomiyasu, ikipe ya Arsenal yaje kwishyura igitego kuri penaliti yinjijwe neza na Bukayo Saka ku munota wa 42.
Mu gice cya kabiri ikipe ya Manchester City yagaragaje ingufu kuko ku munota wa 72 Jack Glealich yaje kubonera ikipe ye igitego cya kabiri ndetse nyuma y’imonota 10 gusa, Erling Halaand yaje gutsinda igitego cy’agashinguracumu ari cyo cya gatatu.
Manchester City yahise ifata umwanya wa gatatu n’amanota 51 ikarusha ibitego 10 ikipe ya Arsenal ya kabiri banganya amanota.
Karemera Jean Luc