Mu buryo butamenyerewe, Real Madrid kuri uyu wa Kabiri yariki ya 22 Gashyantare 2023 yanyagiye Liverpool ibitego 5 – 2 mu mukino wa kimwe cy’umunani wa UEFA Champion league.
Ni umukino wabereye kuri Sitade ya Liverpool izwi nka Anfield, aya makipe yombi yahuraga ku nshuro ya cumi kuva mu 2009 muri iri rushanwa ry’amakipe yitwaye neza ku Mugabane w’u Burayi.
Mu bakinnyi ba Liverpool umutoza Jürgen Klopp yari yabanjemo kuri uyu mukino harimo; Alisson Becker, Trent Alexander-Arnold, Joe Gomez, Virgil van Dijk, Andrew Robertson, Stefan Bajčetić, Henrique Fabinho, Jordan Henderson, Mohamed Salah, Cody Gakpo na Darwin Nunez.
Ku ruhande rwa Real Madrid umutoza Carlo Ancelotti yari yabajemo abakinnyi barimo: Thibaut Courtois; Dani Carvajal, Éder Militão, Antonio Rüdiger, David Alaba; Rodrygo, Eduardo Camavinga, Luka Modrić; Federico Valverde, Karim Benzema, Vinícius José Junior.
Igice cya mbere cy’umukino cyari cyiza cyane kuko habonetsemo ibitego bine byose, nyamara ikipe ya Liverpool niyo yabanjije ibitego bibiri byatsizwe na Darwin Nunez ku munota wa 4 ndetse na Mohamed Salah ku monota wa 14, gusa ntibyatinze kuko ku munota wa 21 na 36 Vinícius José Junior yaje gutsinda ibitego bibiri.
Igice cya kabiri cyatagiye ikipe ya Real Madrid iri hejuru cyane kuko yaje gutsinda ibindi bitego bitatu bitsinzwe na Éder Militão ku mota wa 47, Karim Benzema ku munota wa 55’ na 67’.
Karemera Jean Luc