Real Madrid yanyagiye mukeba wayo w’ibihe byose, FC Balecelona, igiteranyo cy’ibitego 4 – 1 mu gikombe cy’umwami (Copa Del Rey) gikinwa n’amakipe yitwaye neza muri Esipanye.
Ni umukino wabaye mu ijoro ryo kuri uyu wa Gatatu tariki ya 5 Mata 2023 ubera ku kibuga cya Spotify Camp Nou aho muri biriya bitego cyose Karim Benzema yinjijemo bitatu (hattrick).
Ni mu gihe ku mukino ubanza, Barcelona yari yatsinze igitego kimwe ku busa bwa Real Madrid.
Ikipe ya Real Madrid yinjiye mu mukino vuba kuko yashakaga gutsinda byanze bikunze kugira ngo ibone itike yo ku mukino wa nyuma.
Igitego cya mbere cya Real Madrid cyatsinzwe na Vincious Junior kumunota wa 45 habura gato ngo bajye mu gice cya kabiri.
Ibindi bitego 3 bisigaye byatsinzwe na Karim Benzema ku minota ya 50, 58 kuri penaliti ndetse no ku munota wa 80.
Ikipe ya Real Madrid izahura n’ikipe ya Osasuna ku mukino wa nyuma, yo yari yatsinze Athletic Bibao ku giteranyo cy’ibitego 2 – 1.
Karemera Jean Luc