Mugiraneza Jean Baptiste bita “Migi”, umukinnyi wagacishizeho mu mupira w’amaguru mu Rwanda mu karere ka Afurika y’iburasirazuba yatangaje ko ashyize akadomo ku mwuga wo gukina nk’uwabigize umwuga.
Ibi Migi yabitangarije ku rubuga nkoranyambaga rwa Instagram kuri uyu wa Mbere tariki ya 31 Nyakanga 2023 aho yasezeye ku bafana be ndetse n’amakipe yose yakiniye.
Migi yavutse ku tariki ya 12 Gashantare muri 1991, avukira mu karere ka Nyarungege. yakuriye mu ikipe ya Kiyovu y’abato, mbere yuko akinira mu yabakuru muri 2016.
Uyu mukinnyi wakinaga hagati afasha ba myugariro, yerekeje muri APR FC muri 2017 avuye muri Kiyovu aho yayikiniye imyaka igera ku 8 kugeza muri 2015, aza no kuyitsindira ibitego 32 mumikino 105 yakinye.
Migi yaje kwerekeza muri Tanzania mu ikipe ya Azam gusa ntibyamuhiriye kuko nyuma y’umwaka umwe yaje kugaruka muri Kiyovu Sports yamureze.
Bidateye kabiri uyu mukinnyi yongeye gusohoka iguhugu ajya gukinira muri Kenya mu ikipe ya Gor Mahia ahamara imyaka ibiri mbere yuko agaruka muri APR FC.
Mu yandi makipe Migi yakiniye arimo KMC yo muri Tanzania ndetse n’ikipe ya Police FC aheruka gukinamo.
Yakiniye kandi ikipe y’igihugu y’u Rwanda, Amavubi, imikino igera ku 68 ayitsindira ibitego 7, Migi kandi yayibereye kapiteni inshuro aho yayisezeyemo mu mwaka wa 2020.
Karemera Jean Luc