Minisitiri w’Intebe Dr. Justin Nsengiyumva yasabye urubyiruko rwo muri Afurika guha agaciro ibuhinzi n’ubworozi baharanira kubyaza umusaruro uyu mwuga kuko urimo amahirwe menshi y’iterambere.
Ni impanuro Minisitiri Nsengiyumva yatanze kuri uyu wa Gatatu tariki ya Kabiri Nzeri 2026 ubwo yafunguraga ku mugaragaro Inama Nyafurika yiga ku kwihaza mu biribwa iri kubera muri Kigali Convention Centre.
Yagize ati: “Tugomba guhindura uburyo dutekerezamo ubuhinzi, urubyiruko ntirugomba kubona ubuhinzi nk’ahantu ujya wabuze uko ugira, ahubwo rukwiye kubona ubuhinzi nk’uburyo bushya bwuzuye amahirwe, ahantu ho kuvana imibereho, ubucuruzi, udushya n’inzira igana ku ntsinzi”
Iyi nama izamara iminsi ine, ihurije hamwe abantu barenga 5000 baturutse mu bihugu 50, abo bantu barimo abahoze ari abakuru b’ibihugu na za guverinoma, abahinzi, abayobozi b’amasosiyete akomeye akora ibijyanye n’ubuhinzi n’ubworozi, abashakashatsi, abacuruzi n’abandi.
Inama nk’iyo yaherukaga kubera muri Senegal.
Cyusa Simon