Umuhezanguni Charles Onana ari guta ibitabapfu, ubujurire bwe ntacyo buzafata!

Kuri uyu wa gatatu ku itariki ya 02 Nzeli 2026, mu rukiko rw’ubujurire rw’I Paris mu Bufaransa nibwo hatangira kwumvwa ubujurire bwa Charles Onana – umuhezanguni w’Umunya-Cameroon inkiko z’u Bufaransa zahamije icyaha cyo guhakana no gupfobya Jenoside yakorewe Abatutsi mu 1994.

Abakurikiranira hafi iby’uyu muhezanguni n’ukuntu akoreshwa na Tshisekedi n’interahamwe ndetse abo bose bakaba baramuhaye ifaranga ritubutse kugirango barebe ko yagirwa umwere ku cyaha cyo gupfobya jenoside yakorewe Abatutsi mu Rwanda, bemeza ko ibyo kujurira mu nkiko z’u Bufaransa ntacyo bizafata kubera ko umurongo ubutegetsi bw’u Bufaransa bwafashe usobanutse, nta buturo umujenosideri ndetse n’uwo ari we wese upfobya jenoside bakwiye ku butaka bw’u Bufaransa.

Soma kandi : Bidatunguranye Charles Onana yahamwe n’icyaha cyo guhakana Jenoside yakorewe Abatutsi, interahamwe n’abambari ba Tshisekedi babura aho bihisha!

Onana ufite ubwenegihugu bw’u Bufaransa akaba akomoka mu gihugu cya Cameroun aterwa inkunga n’ubutegetsi bwa Tshisekedi, Interahamwe n’abajenosideri bihishe hirya no hino i Burayi, ku itariki ya 9 Ukuboza 2024 nibwo urukiko rw’i Paris rwamuhamije icyaha cyo guhakana no gupfobya jenoside yakorewe Abatutsi mu 1994.

Ndayambaje Marc