Christiano Ronaldo yashimagije shampiyona ya Saudi Arabia, yirata kuri Messi!
Rutahizamu w’ikipe y’igihugu ya Portugal na Al-Nassri, Christiano Ronaldo, yatangaje ko shampiyona akinamo ya ‘Saudi Pro League’ yo muri Saudi Arabia iruta ‘Major League Soccer’ yo muri Amerika izakinamo mukeba we w’ibihe byose Lionel Messi.
Ibi yabibwiye intagazamakuru nyuma y’umukino wahuje ikipe ya Al-Nassri na Celta Vigo ibarizwa muri shampiyona ya Laliga muri Espaigne, aho umukino warangiye ari ibitego 5-0.
Christiano yabajijwe kubijyanye no kwerekeza muri Amerika nk’uko Messi yabikoze asinyira Inter Miami CF, maze agira ati: “Shampiyona yo muri Arabiya Sawudite iruta Major League Soccer yo muri Amerika”.
Yakomeje agira ati: “Mu mwaka umwe, abakinnyi benshi baraje kandi n’abandi benshi beza bazaza muri Saudi Arabia. Mu mwaka umwe shampiyona yo muri Saudi Arabia izarenga shampiyona ya Turukiya na shampiyona y’u Buholandi”.
Muri iyi mpeshyi abakinnyi bakomeye barimo Karim Benzema, Marcelo Brozovic, N’Golo Kante, Roberto Firmino, Dioga Jota na Ruben Neves bakurikiye Ronaldo muri shampiyona y’Abarabu.
Karemera Jean Luc
About Author
