DRC: L’ONU yateye utwatsi abagize umutwe wa FDLR na FLN biyita impunzu, Rukokoma yakwiriye imishwaro

Izi n’imvugo ebyiri zikoreshwa na bimwe mu bitangazamakuru bya FDRL intabaza, urugaga.org n’izindi hakaza n’urubuga rukoreshwa na Twagiramungu Faustin aka Rukokoma rwitwa http://www.mrcd-ubumwe, rw’impuzamashyaka MRCD,Twagiramungu abeye umuvugizi.

Duhereye kuri FDLR ihagarariwe na Lt.Gen Iyamuremye Gaston ku rwego rwa Politiki, ingabo zayo zikitwa FOCA (force combatants armees) ni umutwe witwaje intwaro Leta zunze Ubumwe z’Amerika yasize ku rutonde rw’iterabwoba.

Izi ngabo zari zifite icyicaro cya gisilikare i Kazaroho ho muri Gurupoma ya Tongo. Izi nyeshyamba zikaba zifite imbunda nini ndetse n’intoya, ntabwo zitwa impunzi rero kuko amategeko agenga inkambi z’impunzi arasobanutse ni muri urwo rwego rero uyu mutwe wahagurukiwe n’ingabo za Congo FARDC kugirango barambike intwaro hasi batahe mu Rwanda.

Ikinyamakuru intabaza.com cya FDLR cyo iyo uyu mutwe wokejwe igitutu gihita gitangira gutabariza impunzi zitariho.

Nta gihe ingabo z’umuryango w’abibumbye zasabye izi nyeshyamba kurambika intwaro hasi ngo zitahe. Ikinyamakuru intabaza.com kivuga ko FDLR ari impunzi cyiyibagije ubuhamya bwatanzwe n’uwari Umuvugizi wa FDLR Bwana Bazeyi n’uwari ukuriye iperereza Lt.Col Abega.

Taliki ya 3 Ukwezi kwa 12/2019 Faustin Twagiramungu, umuvugizi w’impuzamashyaka MRCD-Ubumwe utavuga rumwe n’ubuyobozi bw’u Rwand, ifite umutwe w’inyeshyamba zizwi nka FLN muri aka gace, igihe izi nyeshyamba zari zisumbirijwe yabwiye BBC ko ibyakozwe kandi bigikomeje ari ubwicanyi ku mpunzi.

Ingabo za FARDC zimaze igihe kirenga ukwezi zitangije ibikorwa byo kurwanya imitwe y’inyeshyamba z’abanyamahanga ziba mu burasiraziba bw’igihugu cya Congo.

Kapiteni Kasereka yabwiye BBC ko mu mpera y’icyumweru gishize bagabye ibitero ku nyeshyamba z’Abanyarwanda za FLN mu ka Karere ka Kalehe bakazambura uduce zari zifite turimo ahitwa Kashei.

Yemeza ko hari abapfuye muri iyo mirwano ariko atarabona imibare yose, amakuru avugwa y’iyicwa rya General Jean Pierre Gaseni bivugwa ko yari ayoboye inyeshyamba za FLN, avuga ko atarayabona neza, asoza ikiganiro na BBC yahamije ko abo barwana nabo atari impunzi ari abasilikare.

Aha yagize ati: “n’ikimenyimenyi twafashemo abafite ipeti rya Koloneri, Majoro n’abandi nyuma y’icyo gihe abarwanyi basaga 1800 bashikirijwe u Rwanda ubu bakaba bari mu ngando i Mutobo.
Mu kiganiro yagiranye n’itangazamakuru umuvugizi wa FARDC General Léon Kasonga abajijwe niba hari ubufatanye n’ingabo z’u Rwanda RDF yarahakanye avuga ko igisilikare cya Congo cyamaze kwiyubaka kandi ko Nyakubahwa Etienne Kisekedi Kilombo yasize imbere guha igihugu cye amahoro n’umutekano aho agomba kuwushakira, rero nta handi ni ukurandura imitwe yose yitwaje intwaro ikorera ku butaka bwa Congo.

Mu biganiro kandi yari amaze iminsi akoreye i Buruseli, Twagiramungu Faustin na Rusesabagina bagiye bakoresha imvugo zishyongora bavuga ko FLN yiteguye guhirika ubutegetsi bwa FPR. Aha wasoza wibaza ukuntu izi ngabo mu gihe cy’amasasu zihinduka impunzi, agahenge kaboneka ziti; tugiye gukuraho ubutegetsi bwa Kigali, RDF itinya FLN…n’ibindi.

Siga igitekerezo

This site uses Akismet to reduce spam. Learn how your comment data is processed.

%d bloggers like this: