Paul Rusesabagina akwiye kubazwa inzirakarengane zagizwe ingwate na MRCD mu mashyamba ya Congo

Paul Rusesabagina kuva mu mpera z’umwaka ushize w’2019, yumvikanye mu itangazamakuru, atabaza avuga ko impunzi z’abanyarwanda ziri mu mashyamba ya congo muri Kivu y’amajyepfo ziri kwicwa nyamara bizwi ko, abo yita impunzi ari abafashwe bugwate na MRCD ngo babe agakinguirizo ka FLN.

Nyuma yaho Rusesabagina Paul afatanije n’abandi gushinga ingirwampuzamashyaka ya MRCD n’umutwe w’inyeshyamba za FLN ukorera mu mashyamba ya Repubulika iharanira demokarasi ya Congo ndetse n’i Burundi, uyu mutwe w’inyeshyamba uravugwaho gukomeza gufata bugwate abana n’abagore mu mashyamba ya Congo ukabakoresha nk’agakingirizo mu bitero ugabwaho n’ingabo za Congo (FARDC) zahagurukiye guhashya imitwe y’inyeshyamba iri k’ubutaka bwa Congo.

Paul Rusesabagina

Ibi byatumye Rusesabagina, abicishije mu itangazo atakambira imiryango mpuzamahanga yiyerurutsa ngo imirwano ishyamiranije ingabo za FARDC n’mitwe y’inyeshyamba irimo guhitana inzirakarengane nyinshi mu mashyamba ya Congo muri kivu y’amajyepfo.

Uyu mutwe wiyita mu magambo y’igifaransa; Force des Liberation National (FLN) wigambye ibitero bimaze iminsi byibasiye Intara y’Amajyepfo mu Karere ka Nyaruguru. Uyu mutwe kandi ukaba uvuga ko ugamije gukuraho ubutegetsi buriho mu Rwanda ukoresheje imbunda, ibi bikaba byarabananiye dore ko iyo bagerageje gutera udutero shuma aribo babihomberamo kuko inyeshyamba zabo nyinshi zicirwamo izindi zigafatwa.

Kuba byonyine Rusesabagina ayoboye umutwe wivugira ko uri inyuma y’ibitero mu Rwanda byahitanye abantu ni ikimenyetso ko akwiye kuryozwa amabi akora mu karere k’ibiyaga bigali. Iyi mikorere ya Rusesabagina n’abandi bafatanije kuyobora izi nyeshyamba nta tandukaniro hagati na FDLR isanzwe izwiho gufata bugwate imiryango ikayigira agakingirizo ngo itagabwaho ibitero aho abarwanyi bayo baba bihishe mu mashyamba ya Congo.

Nkuko byakomeje kuvugwa n’abitandukanyije n’imitwe y’inyeshyamba za FLN na FDLR, bavuga ko hari abantu benshi bagizwe ingwate niyo mitwe babuze uko bataha mu Rwanda, igihe cyose bamenye ko ushaka gutaha ngo aricwa.

Abantu nka ba Paul Rusesabagina kuba bacyidegembya n’amabi bazwiho nacyo ni ikibazo gikomeye cyagakwiriwe gushakirwa umuti urambye n’imirynago mpuzamahanga kuko akomeje gushyira mu kaga ubuzima bwa benshi.

Siga igitekerezo

This site uses Akismet to reduce spam. Learn how your comment data is processed.

%d bloggers like this: