December 7, 2022

AS Kigali yasezerewe muri ‘CAF Confederation Cup’

Ikipe ya AS Kigali yari ihagarariye u Rwanda mu mikino Nyafurika yatsinzwe na Al Nasr yo muri Libya igitego 1-0, isezererwa muri CAF Confederation Cup.

Ni umukino wo kwishyura w’ijonjora rya kabiri wabaye kuri iki Cyumweru, tariki 16 Ukwakira 2022, i Benghazi muri Libya.

Al Nasr ni yo yawutangiye isatira cyane ishaka igitego cyahagurutsa imbaga y’abafana bari buzuye stade Martyrs Benina.

Iyi kipe yakinaga bitandukanye ni uko yitwaye i Huye mu mukino ubanza ubwo amakipe yombi yanganyaga ubusa ku busa, gusa n’ubundi kugeza ku munota wa 66 aya makipe yanganyaga ubusa ku busa.

Ku munota wa 69 ni bwo Abdelsalam Alaquob wa Al Nasr yafunguye amazamu, atsinda igitego cyahesheje ikipe ye intsinzi.

AS Kigali yakomeje gusatira ariko no mu minota ine y’inyongera ntiyabasha kubona igitego.

Al Nasr yahise ikomeza mu cyiciro cya gatatu cya CAF Confederation Cup, aho izahura n’ikipe yasezerewe muri CAF Champions League.

Ubwanditsi

Leave a Reply

%d bloggers like this: