#Kwibuka29: Abavuga “jenoside ebyiri” bari guta inyuma ya Huye
Mu gihe Abanyarwanda bari kwibuka ku nshuro ya 29 Jenoside yakorewe Abatutsi mu 1994, hakomeje kugaragara ihakana n’ipfobya rikomeye, mu nyito y’uko habayeho Jenoside yakorewe Abatutsi n’iyakorewe abahutu.
Ibi bigirwamo uruhare n’abana bakomoka ku babyeyi bafitanye isano n’amateka mabi yagejeje u Rwanda kuri Jenoside yakorewe Abatutsi, bakaba babikorera ku mbuga nkoranyambaga.
Mu nyandiko aba bantu badasiba gushyira ku mbuga nkoranyambaga bavuga ko FPR-Inkotanyi yakoreye Abahutu bo mu Rwanda “kuva mu ntangiriro z’umwaka wa 1990”.
Ku rundi ruhande, abavuga ko mu Rwanda habaye “jenoside ebyiri” birengagiza ko Umuryango Mpuzamahanga wemeje Jenoside yakorewe Abatutsi ndetse ushyigikira ko abayigizemo uruhare bakwiye ku biryozwa.
Ni mu impuguke mu mateka y’u Rwanda nka Dr. Kimonyo Jean Paul zigaragaza ko hakwiye gukorwa ibishoboka byose kugira ipfobya n’ihakana rya Jenoside yakorewe Abatutsi rihashywe burundu.
Abakoresha iri cengezamatwara ridafite epfo na ruguro ntibabasha kugaragaza uwateguye iyo jenoside yindi, uko yayishyize mu bikorwa n’uko yahagaritswe; ibintu bishimangira ko bikirigita bagaseka!
Linda Mukobwajana
About Author
