Morocco: Umunyarwanda yahesheje AC FAR Rabat igikombe cya shampiyona yaherukaga mu myaka 15!
Ikipe ya AC FAR Rabat yo muri Morocco kuri uyu wa Gatanu tariki ya 23 Kamena 2023 yegukanye igikombe cya shampiyona yaherukaga mu myaka 15 ishize, bikaba byashobotse bigizwemo uruhare n’Umunyarwanda Manishimwe Emmanuel “Mangwende”.
Ni umukino iyo kipe yatsinzemo Waydad AC bahataniraga umwanya wa mbere, iyi kipe ya Mangwende niyo yabaje kubona igitego cya mbere gitsinzwe na Reda Slim kuri penaliti yahawe kumunota wa cyenda, gusa nyuma y’iminota 9 ikipe ya Ittihad nayo yahise ibona penaliti izakuyishyiramo neza na Moudane ku mumota wa 18.
Amakipe yombi yakomeje gukina neza, igice cya kabiri kigitangira AC Far Rabat yabonye igitego cya kabiri gitsinzwe na Ahmed Hamoudan ku munota wa 48. Mouhisin wa Ittahid yaje guterera umupira kure maze ujya mu izamu, bituma AC Far Rabat isa nk’ibuze igikombe ariko ku munota wanyuma wa iyi kipe ya Mangwende yahise ibona penaliti yongera guterwa neza na Reda Slim.
Manishimwe Emmanuel w’imyaka 26 yageze muri AC FAR Rabat muri 2021 aguzwe ibihumbi 130$ (agera kuri miliyoni 130 z’amafaranga y’u Rwanda) mu gihe we ubwe yahawe ibihumbi 300$ (miliyoni 300 z’amanyarwanda) ku masezerano y’imyaka itatu, avuye mu ikipe ya APR FC.
Kugeza ubu iyi kipe ya Mangwende yegukanye igikombe cyayo cya 15 cya Shampiyona yaherukaga muri 2008, ikaba ifite ibikombe 11 by’igihugu, kimwe cyo mu cyiciro cya kabiri, 4 bya Super coupe ya Morocco, kimwe cya CAF Champions League ndetse n’ikindi cya CAF Confederation Cup.
Karemera Jean Luc
About Author
