Volleyball: APR na Police zegukanye ibikombe mu irushanwa ryo Kwibohora – AMAFOTO
Kuri iki Cyumweru tariki ya 9 Nyakanga 2023, nibwo hashojwe imikino ya nyuma y’irushanwa ryo Kwibohora mu mukino w’intoki wa Volleyball mu bagore n’abagabo, aho amakipe y’abashinzwe umutekano APR na Police zegukanye ibikombe.
Mu bagabo APR yatsinze ikipe ya Gisagara amaseti 3 -1, APR yatangiye neza, itsinda amaseti abiri yambere 25-21, 25-22, ariko Gisagara ibasha gutsinda iseti y agatatu 25-23 bituma bagaruka mu mukino babifashijwemo n’abakinnyi nka Lawrence Yakan Guma wateraga amashoti y’ingufu.
Uko amaseti yose yagenze APR yatsinzemo amaseti atatu 25-22, 23-25, 27-25. Mu bagore ikipe ya Police WVC yegukanye igikombe itsinze ikipe ya APR WVC amaseti 3-1.
Polisi niyo yabanje gustinda amaseti abiri abanza 25-18 mbere y’uko APR igaruka ikegukana iseti ya gatatu 25-20 ariko Polisi ikomeza kwitwara neza iza no kwegukana iseti ya nyuma 25-14 ariyo yatumye yegukana igikombe cyo kwibihora 2023.
Abegukanye ibikombe, mu cyiciro cy’abagabo n’abagore bahembwe amafaranga agera kuri 1,000,000 mu gihe ababaye aba kabiri babonye 700,000.
Karemera Jean Luc
About Author
