Man City yegukanye igikombe cya ‘UEFA Super Cup’
Manchester City mu ijoro ryo kuri uyu wa Gatatu tariki ya 18 Kanama 2023 yegukanye igikombe cya UEFA Super cup itsinze Seville kuri penaliti 5-4 nyuma yo kuganya ibitego 1-1.
Icyo gikombe gikininwa n’ikipe yatwaye UEFA Champions league Manchester city n’iyatwaye igikombe cya UEFA Europa league. Manchester City nk’ibisazwe niyo yihariye umukino hafi wose nubwo yaburaga abakinnyi 5 bayifashije mu gutwara igikombe cya UEFA champions league nka Kevin Debryne, Roben Dias, Bernardo Silva, Jone Stones Bose bafite imvune ndetse na Gundogan wamaze kwerekeza mu kipe ya FC Barcelona.
N’ubwo Manchester City yakinaga neza, ikipe ya Seville niyo yafuguye amazamu hakiri kare ku gitego cyatsinzwe n’Umunya-Morocco En-Nesyri ku munota wa 25, Man City yagerageje kucyishyura ariko biranga, igice cya mbere kirangira Seville iri imbere n’igitego 1-0.
Mu gice cya kabiri nanone Manchester City yagarukanye ingufu nyinshi ishaka kwishy ura, byaje kuyihira ku munota wa 63 umukinnyi Palmer yatsinze igitego cy’umutwe ku mupira wavuye kuri Rodri wa Mancity.
Umutoza wa Manchester City Josep Pep Guardiola abaye Umutoza wa mbere utwaye UEFA Super cup mu mamakipe atatu atandukanye ariyo, Manchester city, Barcelona, na Bayern Munich.
Guardiola kandi abaye Umutoza wa kabiri utwaye iki gikombe inshuro 4 agahigo asangiye na Carlo Ancelotti utoza ikipe ya Real Madrid.
Karemera Jean Luc
About Author
