Umunsi amagana y’Abatutsi yicirwa mu ngoro y’ubutabera mu Ruhengeri – Inshamake y’ibyaranze tariki ya 15 Mata 1994
Tariki ya 15 Mata 1994, Jenoside yakorewe Abatutsi yarakomeje mu gihugu hose Abatutsi bicwa urw’agashinyaguro, inyubako y’Urukiko Rukuru, Urugereko rwa Musanze, yahoze yitwa Cour d’Appel hiciwe Abatutsi barenga 400 bari bayihungiyemo baturutse mu bice bitandukanye.
Abatutsi barenga 2000 bari bahungiye muri kiliziya Gatolika ya Nyange bahizeye ubufasha bayisenyeweho hifashishijwe imashiniya ‘Tingatinga’ ikora imihanda, ku mabwiriza yari yatanzwe na Padiri mukuru Seromba Athanase.
Tariki ya 15 Mata 1994, ku musozi wa Ruhangahari hatuye Abatutsi benshi ndetse no ku yindi misozi yahanaga imbibi naho yo mu cyahoze ari Komine Gikoro, barishwe abandi bari muri E.A.R Ruhanga nabo baricwa, maze abasigaye babatwikisha lisansi mu rusengero.
Kuri iyi tariki kandi, haje bus zirimo abasirikare n’interahamwe ziturutse ahandi hamwe n’abicanyi ba Ntarama bica impunzi zari ku kiliziya zigera ku 3000. Babicishe imbunda na grenades ndetse n’intwaro gakondo.
Kuri uwo munsiInterahamwe zishe Abatutsi bose bari bahungiye ku Kiliziya ya Cyahinda babarirwa mu bihumbi 32. Abiciwe muri iyi paruwase babaga baturutse muri Komini Nyakizu n’izo byari byegeranye nka Komini Mubuga, Kivu na Nshili.
Abatutsi barishwe muri Cyirwamocyinzovu, Kamonyi.Abatutsikandi basaga ibihumbi birindwi barishwe muri Remera by’ umwihariko muri Centre ya Gasetsa, ahahoze ari Komini Kigarama, Kibungo.
Tariki ya 15 Mata 1994 niyo yabaye iya nyuma ku batutsi bari bahungiye kuri Paruwasi ya Gihara paruwasi n’abandi benshi muri Runda.
Ku rundi ruhande, Abatutsi bariho bicwa i Nyabikenke, Muhanga no mu makomini ya Muhazi, Gishari Rwamagana.
Uwo munsi kandi mu murenge wa Kigali ahitwaga muri Centre ya Kitabi hejuru ya Nyamirambo, iruhande rwa Mont Kigali munsi y’ikigo cya Gisirikare abatutsi barishwe, hari bariyeri yayoborwaga n’interahamwe yitwa Rubayiza Hassan na Kibuye Karungu, ntamuntu wapfa kubacika.
Twibuke twiyubaka.
About Author
