Bwa mbere mu mateka Esipanye yegukanye “UEFA National League”

Ikipe y’igihugu y’Umupira w’Amaguru ya Esipanye mu ijoro ryo kuri iki Cyumweru tariki ya 18 Kamena 2023 yegukanye igikombe cya UEFA National Legue itsinze ikipe ya Croatia kuri penalty 5-4.

Ni nyuma y’uko amakipe yombi anganyije ubusa ku busa. Ku rundi ruhande, u Butaliyani bwegukanye umwanya wa gatatu butsinze u Buholandi ibitego 3-2.

UEFA Nations League ni amarushanwa akinwa hagati y’ibihugu 55 bigize umugabane w’u Burayi, ryashizweho kugira ngo rusimbure imikino ya gicuti mpuzamahanga yakinarwa mu gihe abakinyi baba bari mu biruhuko.

Ibihugu 55 birushanwa bigabanyijemo league enye ukurikije uko amakipe ari ku rutonde rwa FIFA. League A, B na C ziba zigizwe n’amakipe 16 mu gihe League D iba ifite amakipe arindwi.

Amakipe yitwaye nabi amanuka mu cyiciro cyo hasi naho ayitwaye neza akazamuka mu kindi kiciro kisumbuyeho.
Ibihugu byitwaye neza muri league A, bihita bibona itike yo gukina imikino ya ½ ya UEFA nationals league mbere yuko amakipe abiri agera kumukino wanyuma.

Iri rushanwa ryatangiye gukinwa muri 2018, Portugal niyo yagitwaye bwa mbere itsinze u Buholandi, muri 2020-2021 u Bufaransa bwagitwaye butsinze Esipanye ku mukino wa nyuma.

Kugeza ubu ikipe nkuru ya Esipanye ifite ibikombe bitatu yatwaye ku mugabane w’u Burayi harimo icyo mu 1964, 2008 na 2023, ndeste ikaba ifite igikombe cy’Isi yatwaye muri 2010 cyakinwe ku mugabane wa Afrika muri Afrika y’epfo.

Karemera Jean Luc