Visi Perezida w’Inteko Ishinga amategeko ya Burkina Faso yishwe na Coronavirus
Umuntu wa mbere muri Burkina Faso yishwe na Coronavirus, nyuma y’iminsi umunani byemejwe ko umuntu wa mbere muri icyo gihugu yayanduye.
Uwitabye Imana ni Marie-Rose Compaoré usanzwe ari Visi Perezida wa Kabiri w’Inteko Ishinga amategeko ya Burkina Faso, wapfuye ku myaka 62. Iyi ndwara yamufashe asanzwe anarwaye diabéte nk’uko BBC yabitangaje.
Burkina Faso yemeje ko yapfuye mu ijoro ryo kuri uyu wa Kabiri, nk’uko byatangajwe n’umuyobozi ushinzwe ibikorwa byo kurwanya Coronavirus muri icyo gihugu, Martial Ouedraogo. Kugeza ubu abamaze gufatwa na Coronavirus muri icyo gihugu ni 27.
Iyi ndwara ku Isi hose imaze gufata abarenga 200 000, naho abasaga 8000 bamaze gupfa. Abapfa ahanini ni abageze mu za bukuru cyangwa abo ifata basanganwe izindi ndwara zikomeye.
Inkuru wasoma: Burkina Faso: Umugabo n’umugore basanzwemo Coronavirus
Visi Perezida w’Inteko Ishinga amategeko ya Burkina Faso yishwe na Coronavirus
About Author
