COVID19: Abandi bantu bane batumye umubare ugera kuri 40
Minisiteri y’Ubuzima iratangaza ko kuri uyu wa Kabiri tariki 24 Werurwe 2020 hagaragaye abandi bantu bane barwaye Coronavirus, bituma umubare w’abarwaye Coronavirus mu Rwanda ugera kuri mirongo ine (40).
Abo ni abantu babiri baje baturutse i Dubai, umuntu umwe waje mu Rwanda aturutse i Buruseli mu Bubiligi, n’umuntu umwe watahuwe ko yahuye n’undi wagaragayeho Coronavirus mu Rwanda.
Itangazo rya Minisiteri y’Ubuzima riravuga ko abagenzi bose baherutse kwinjira mu Rwanda bahise bapimwa ndetse bashyirwa mu kato.
Iryo tangazo ryongeraho ko abarwayi bose bavurirwa ahantu habugenewe, kandi ko barimo koroherwa. Ngo hanashakishijwe abantu bose bahuye na bo kugira ngo na bo basuzumwe, ndetse bitabweho n’inzego z’ubuzima, nk’uko iri tangazo rikomeza ribisobanura.
About Author
