February 4, 2023

David Himbara Muruganwa akomeje gupfunyikira ikibiribiri abamukurikira buhumyi

Umumotsi w’Umutwe w’Iterabwoba wa RNC, David Himbara Muruganwa, yongeye kubyutsa agatwe aho agarukanye uburiganya asanganwe mu kugoreka ubukungu bw’u Rwanda agamije kuruharabika mu ruhando mpuzamahanga.

Uyu muhezanguni wa RNC amaze iminsi avuga ko “ubukungu bw’u Rwanda bwaguye” ndetse ngo ko “u Rwanda rukennye cyane ku Isi” n’ibindi binyoma bidafite umutwe n’ikibuno.

Muruganwa yirengagiza ko Banki y’Isi idahwema kugaragaza ko u Rwanda ruri mu bihugu bya mbere bifite umuvuduko w’ubukungu ku Isi. Nk’urugero raporo y’iyi banki yasohotse muri uku kwezi ihishura ko ubukungu bw’u Rwanda bwazamutseho 7.9%.

Mu kiganiro Muruganwa aherutse gukorera ku muzindaro wa RNC uzwi nka “Radio Itahuka yihaye amenyo y’abasetsi avuga ko “u Rwanda nta kintu na kimwe rwohereza hanze”.

Uyu mumotsi wa RNC yavuze ibyo yirengagije ko byonyine mu mezi ya mbere y’uyu mwaka ibyoherezwa mu mahanga byazamutse ku kigero cya 37% ndetse u Rwanda rushobora kwinjiza agera kuri miliyoni 708.3 z’amadorali y’Amerika.

Ikindi ni uko Banki y’Isi ivuga ko u Rwanda ari igihugu cya 2 muri Afurika ndetse cyorohereza abashoramari gushora imari; ibi byose uyu muhezanguni arabyirengagiza kuko bitamushimisha ahubwo akajya guhimbahimba ibindi agirango ashimishe abayoboke mbarwa RNC isigaranye.

Muruganwa akwiye guhagarika kuvuga ku bukungu bw’u Rwanda cyane ko byagaragaye ko nta kintu na kimwe azi kijyanye nabwo.

Mugenzi Félix

Leave a Reply

%d bloggers like this: