February 4, 2023

Imvo n’imvano by’ingengabitekerezo ya Jenoside yasaritse Uwimana Agnes

Umunyarwanda yabivuze neza ko ‘Akuzuye umutima gasesekara ku munwa’, ni nako bimeze kuri Nkusi Uwimana Agnes, umuhezanguni udasiba kugwirakwiza ingengabitekerezo ya Jenoside yifashishije umuzindaro rutwitsi we wa YouTube.

Mu minsi ishize iyi nkunguzi y’umugore yumvikanye yikomanga mu gatuza ko  ko demokarasi yaharaniwe na Kayibanda, “abahutu babaye ibigoryi ntibayirinda”.  Ni mu gihe yari aherutse kuvuga nanone ko “guhunga kw’Abatutsi mu 1959 byari umurengwe.”

Imvugo z’urwango z’uyu muhezanguni ziba zigambiriye gutoneka abarokotse Jenoside yakorewe Abatutsi mu 1994; none se ni nde uyobewe uko Abatutsi bameneshejwe bagatwikirwa, bagasenyerwa, bakicwa bagasahurwa hanyuma abarokotse bagahungira mu bihugu byo muri aka karere u Rwanda ruherereyemo?

Ubu se tuvuge ko Uwimana Agnes yibagiwe “amategeko 10 y’abahutu” Gitera Joseph yashyizeho mu kwezi k’Uguhyingo 1959? Icyo ayo mategeko yavugaga arakiyobewe?

Uwimana akunze kuvuga ko “abahutu bose babaye ibizongwe” uretse we uniyita umuvugizi wabo, Nahimana Thomas wirirwa ashaka abasazi 1000 nka we ndetse na Twagiramungu Faustin “Rukokoma”.

Amakuru yizewe MY250TV ifite ni uko umuhezanguni Uwimana aho ari hose aba afite ikarita igaragaza ko ari umunyamuryango w’ingirwashyaka ya Twagiramungu, aho adasiba no kugaragaza ko uyu musaza usazanye ingengabitekerezo y’amacakubiri ari icyitegererezo cye.

Uyu mugome w’umugore yavutse tariki ya 01 Mutarama 1976, avukira mu karere ka Nyamasheke mu murenge wa Nyabitekeri mu kagari ka Kinunga mu ntara y’Iburengerazuba, akaba ari mwene Nkusi Deon na Twagiramungu Genevieve.

Uwimana ni muramukazi wa Maj François-Xavier Nzuwonemeye, umujenosideri kabombo wahoze ari umuyobozi w’ishami ry’iperereza mu biro bya Perezida Habyarimana.

Uyu mujenosideri wavukiye muri Komini Musasa mu cyahoze ari Perefegitura ya Kigali-Ngari, yafatiwe mu Bufaransa tariki ya 15 Gashyatantare 2000 maze tariki ya 23 Gicurasi muri uwo mwaka agezwa i Arusha kubera ibyaha bya Jenoside yakorewe Abatutsi.

Uwimana Agnes washatse ahitwa Coko muri Musasa (ubu ni mu karere ka Gakenke mu ntara y’Amajyaruguru) yari indaya y’uwari umuyobozi w’ishuri rigisha ubuhinzi n’ubworozi rya  EAV Rushashi riherereye n’ubundi muri Gakenke birangira amugize umugore we.

Uyu wari muyobozi wa EAV Rushashi avukana na Maj Nzuwonemeye; iyi akaba ari indi gihamya y’aho uyu muhezanguni w’umugore avoma ingengabitekerezo ya Jenoside yamusabitse.

Amakuru yizewe ahari ni uko nta munsi ushobora gushira umuhezanguni Uwimana atavuganye na Maj Nzuwonemeye n’izindi nteramwe zitarakira ko zatsinzwe ruhenu maze Inkotanyi zikazikoma mu nkokora zigahagarika Jenoside yakorewe Abatutsi izo nyangabirama zagizemo uruhare rukomeye.

Ku rundi ruhande, uyu mugome w’umugore tariki ya 10 Nyakanga 2010 yatawe muri yombi nyuma yo gutangaza inkuru yari yuzuyemo irondakarere aho yagumuraga Abaturarwanda ndetse inahakana Jenoside yakorewe Abatutsi.

Mbere ya 2010, Agnes nabwo yafunzwe umwaka umwe kuva muri Mutarama 2007 ahamijwe icyaha cyo gusebanya.

Uyu muhezanguni kandi yamaze imyaka ine muri gereza ya Kigali yari izwi nka 1930  nyuma yo guhamwa n’ibyaha byo gusebya Umukuru w’Igihugu, guhungabanya umudendezo w’igihugu n’amacakubiri.

Agisohoka muri gereza, yashimangiye ko ameze nka ka kabaye icwende katajya gacya aho yavuze ko: “Nzakomeza ibyo natangiye kandi nta bwoba mfite kuko umusirikare uguye ku rugamba aruta upfuye ahunga”.

Ese twavuga ko ari rwa rugamba ahoza mu kanwa yatangiye kandi agomba kurangiza uyu mwaka? Ibyo uyu muhezanguni avuga byose akwiye kuzirikana ko atari hejuru y’amategeko; agapfa kaburiwe ni impongo.

N.D.L.R: Mu nkuru itaha tuzabagezaho uko Uwimana yanduye SIDA ubu iri hafi kumwivugana!

Kangabe Alice

Leave a Reply

%d bloggers like this: