December 7, 2022

Karasira Aimable yoherejwe mu Rukiko ruburanisha ibyaha Mpuzamahanga

Urukiko Rwisumbuye rwa Nyarugenge kuri uyu wa Gatanu tariki ya 18 Ugushyingo 2022 rwanzuye ko rudafite ububasha bwo kuburanisha Karasira Uzarama Aimable maze rumwohereza kuburanishirizwa mu Rugereko rw’Urukiko Rukuru ruranisha Ibyaha Mpuzamahanga n’Ibyambuka imbibi ruri i Nyanza mu Majyepfo y’igihugu.

Karasira akurikiranyweho ibyaha birimo guhakana no guha ishingiro Jenoside yakorewe Abatutsi mu 1994, n’icyaha cyo gukurura amacakubiri. Ni ibyaha uyu muhungu yakoze kuri YouTube mu bihe binyuranye.

Mu kohereza Karasira kuburanira mu Rugereko rw’Urukiko Rukuru ruranisha Ibyaha Mpuzamahanga n’Ibyambuka imbibe, Urukiko Rwisumbuye rwa Nyarugenge rwasobanuye ko ari uko ibyaha yarabikoreye kuri YouTube kandi bifatwa nk’ibyaha byo ku rwego mpuzamahanga, bishoboka ko byajyaga mu bindi bihugu.

Umucamanza yakomeje avuga ko ibyo Karasira yavugiraga mu Rwanda hari abandi bantu mu bihugu bitandukanye bagiye babikurikirana.

Karasira mbere y’uko afungwa, yasobobanuye inshuro nyinshi ko ibyo yavugiraga kuri YouTube yabaga yabisabwe n’abanzi b’u Rwanda biganjemo interahamwe zatorokeye ubutabera hirya no hino ku Isi ndetse n’ibigarasha.

Ubwanditsi

Leave a Reply

%d bloggers like this: