February 4, 2023

Christopher Kayumba agomba gukomeza kuburana afunze – Umwanzuro w’urukiko


Urukiko Rwisumbuye rwa Nyarugenge rwanzuye ko ikirego cya Dr. Kayumba Christopher gisaba gufungurwa mbere y’urubanza nta shingiro gifite bityo ko azakomeza kuburana afunze.


Ni umwanzuro wamenyekaniye mu iburanisha ryabaye kuri uyu wa Gatanu tariki ya 25 Ugushyingo 2022.


Kayumba akurikiranyweho icyaha byo gukoresha undi imibonano mpuzabitsina ku gahato n’ubwinjiracyaha muri icyo cyaha


Uyu mugabo yahoze ari umwarimu wa Kaminuza y’u Rwanda ariko aza
kwikura amata ku munwa ubwo yananirwaga kugenzura ikinyabupfura gike cye bimuviramo kwirukanwa burundu.


Ubushinjacyaha bwagaragaje ko hari impamvu zikomeye zatumye Urukiko rw’Ibanze rwa Kicukiro rutegeka ko Kayumba afungwa by’agateganyo bityo ko icyo cyemezo cyakomeza kubahwa mu gihe iburanisha rigikomeje.


Urukiko rwanzuye ko urubanza ruzakomeza kuburanishwa afunzwe kuko hari impamvu zikomeye zituma akomeza gukurikiranwa afunzwe ndetse rwanzura ko urubanza ruzasubukurwa ku wa 13 Mutarama 2023.


Kayumba ni umwe mu bafunzwe abanzi b’u Rwanda bita ko ari “imfungwa za politike” mu gihe nyamara bari mu manza nshinjabyaha aho hari n’abatangabuhamya babashinja ibyaha bakurikiranyweho.


By’umwihariko uyu Kayumba mu kwezi kwa cumi 2019   yakatiwe igifungo cy’umwaka   nyuma yo guteza umutekano muke ku Kibuga Mpuzamahanga cy’Indege cya Kigali aho yagiye afite urugendo rwo kujya muri Kenya akahagera yakererewe iminota 30.


Si ibyo gusa kandi uyu mugabo watandukanye n’umugore ndetse agatererana n’abana be kubera ikibazo cy’ubusinzi, ubusambanyi n’indi myitwarire idahwitse yakomeje kugaragara mu mafuti adakwiye kwitiranwa na politike.


Ubwanditsi

Leave a Reply

%d bloggers like this: