Amakipe y’umupira w’amaguru y’ibihugu bya Croatia na Argentine ku mugoroba wo kuri uyu wa Gatanu tariki ya 9 Ukuboza 2022 yakatishije itike ya kimwe cya kabiri mu mikino y’igikombe cy’Isi iri kubera muri Quatar.

Croatia yabigezeho nyuma yo gusezerera Brazil mu mukino wa kimwe cya kane aho amakipe yombi yabanje kunga 1-1, bituma hitabazwa penaliti maze Croatia itsinda 4-2.

Izi penaliti ntabwo zigeze zihira Brazil kuko yarase iya mbere ndetse n’iya kane, bituma isezererwa, Croatia ikomeza mu cyiciro gikurikiraho nk’uko byagenze mu 2018, inagera ku mukino wa nyuma.

Mu wundi mukino Argentine yasezereye Ubuholandi kuri penalty nyuma yo kuganya ibitego 2 – 2.

Ibitego bya Argentine byatsinzwe na Nahuel Molina ku munota wa 35, ikindi gitsirwa kuri penalty na Lionel Messi ku munota wa 76, naho ibitego by’Ubuholandi byombi byatsinzwe na Wout Weghorst ku munota wa 83′ na 90+11′.

Ikipe y’Ubuholandi yarase penalty 2 muri 5 bateye, naho Argentine irata penalty 1 muri 5.

Uyu munsi harakomeza indi mikino ya kimwe cya kane, aho Morocco ihagarariye umugabane wa Afurika izagukina na Portugal mu gihe u Bufaransa bwo bukina n’ Ubwongereza.

About Author

Admin

See author's posts