Umuhezanguni Victoire Ingabire azemerako Itegeko Nshinga rikurikizwa, umunsi yabonye imyigaragambyo nk’iyi Interahamwe
Umuhezanguni Ingabire Victoire Umuhoza (IVU) yongeye kwivamo nk’inopfu ubwo yatangazaga kumugaragaro ko abanyarwanda bakwiye kwigaba imihanda bagakora imyigaragambyo nkuko Itegeko Nshinga ribemerera ndetse nk’ ubryo bwo kugaragaza ibibazo byabo.
Ibi yabivuze mu kiganiro, uyu muhezanguni yakoreye ku muzindaro rutwitsi ‘Imbarutso ya demokarasi’ aho yumvikanye avuga ko Itegeko Nshinga ry’u Rwanda rihonyorwa nkana.
Ibi uyu muhezanguni yabivugaga ashingiye ku kuba nta myigaragambyo ikorwa mu Rwanda kandi yemewe n’amategeko. Ibi kubivuga si uko imyigaragambyo itaba, ahubwo n’ urukumbuzi afitiye imyigaragambyo y’Interahamwe (imwe yarangizwaga no gusahura ndetse no kwica abantu). Ibi kandi bigaragaza uburyo Ingabire n’ Interahamwe barambiwe kubona amahoro ari mu gihugu aricyo kibatera kugambirira icyari cyo cyose cyatuma basahurira mu nduru.
Igishimangira ko iyo myigaragambyo ariyo umuhezanguni woretswe n’ingengabitekerezo ya Jenoside yashimangiraga ni uko yatanze urugero rw’ imaze iminsi iri kubera muri Kenya. Imyigaragambyo imaze guhitana abatari bake ndetse ikanateza inkomere zibarirwa mu magana.
Abasesengura bavugako, iki cyifuzo cye kigaragaza impamvu nyamukuru ye yo kwirirwa agumura rubanda no kubacamo igikuba.
Ibyo kwitwaza ko Itegeko Nshinga rihonyorwa n’ikinyoma cyambaye ubusa kuko mu Rwanda hari ubwisanzure ndetse n’umuturage ufite ikibazo hari inzira nyinshi abinyuzama kigakemuka.
Ikindi ushaka gukora imyigaragambyo mu umutuzo biremewe nkuko bigenwa n’amategeko. Urugero rwa hafi n’ abanyekongo batuye mu Rwanda baherutse kuyikora.
Ingabire Victoire ushaka gusahurira mu nduru, nyuma yo kugirirwa imbabazi akagaruka muri sosiyete nyuma y’ibyaha bikomeye yahamijwe ndetse akanabisabira imbabazi akomeje kwerekana ko atigeze yikosora.
Iyi nkoramabi ikwiye kumenya ko abanyarwanda bari maso idateze na rimwe kubayobya.
Muvunyi Balthazar
About Author
