Nigeria yegukanye ‘Afro Basket’ ku nshuro ya kane yikurikiranye, u Rwanda rubona umwanya wa kane
Ikipe y’igihugu ya Nigeria mu bagore mu mukino wa Basket yegukanye Igikombe cya Afurika (FIBA Women’s Afro Basket) ku nshuro ya kane yikurikiranya, nyuma yo gutsinda ikipe ya Senagale amanota 84-74 mu gihe u Rwanda rwatsinzwe umukino wa gatatu n’ikipe ya Mali rwegukana umwanya wa 4.
Mu mukino wa nyuma, agace ka mbere kantagiye ikipe ya Nigeria yitwara neza itsinda amanota menshi kuko karangiye Nigeria irihejuru n’amanota 19-10.
Mu gace ka kabiri Senagale yagerageje kugaruka mu mukino ikuramo amanota, ariko Nigeria ikomeza kuba ibamba bituma Nigeria nako ikegukana kumanota 43-31.
Mu gace ka gatatu ikipe ya Senagale yagarukanye imbaraga nyinshi bituma itsinda amanota menshi kurusha Nigeria, kuko muri ako gace Senagale yatsinzemo amanota 26 mu gihe Nigeria yatsinzemo 21 gusa, agace karangiye Nigeria iri hejuru n’amanota 62-57.
Mu gace ka nyuma ikipe y’igihugu ya Nigeria yisubiyeho itsinda amanota bituma yegukana igikombe itsinze amanota 84-74.
Nigeria yegukanye igikombe izahagararira Umugabane wa Afurika mu gikombe cy’Isi kizaba mu 2026, mu gihe amakipe yageze muri ½ ari yo Nigeria, Sénégal, Mali ndetse n’u Rwanda afite itike y’Igikombe cya Afurika gitaha kizaba mu 2025.
Karemera Jean Luc
About Author
