FIBA 3X3: U Rwanda rwegukanye umwanya wa kabiri
Ikipe y’Igihugu ya Basketball y’abakina ari batatu mu kiciro cy’abagabo yegukanye umwanya wa kabiri itsinzwe ku mukino wa nyuma n’ikipe ya Madagascar amanota 22-3 mu mukino wa nyuma w’Amarushanwa Nyafurika muri Basketball y’abakina ari Batatu (FIBA 3X3).
Ni umukino wabereye muri Madascar kuri icyi Cyumweru tariki ya 1 Ukuboza 2024. Ikipe y’u Rwanda yari igizwe na Ngabonziza Patrick, Turatsinze Olivier, Uwitonze Justin na Twizeyimana Cyiza Chandelier.
Turatsinze Olivier, yaje mu bakinnyi beza bigaragaje bityo ashyirwa muri batatu beza b’irushanwa.
U Rwanda rwatsinze imikino itanu yose mbere y’uko rutsindwa ku mukino wanyuma. Rwatsinze Santrafurika amanota 21-19, rutsinda Kenya 21-16, rutsinda Misiri amanota 21-13, rutsinda Algérie amanota 21-20, runatsinda Benin amanota 21-14 muri ½.
U Rwanda rwaherukaga kwitabira iri rushanwa muri 2022 rwegukana umudali w’umuringa nyuma yo gutsindira umwanya wa gatatu mu bagabo, mu mikino yabereye mu Misiri.
Karemera Jean Luc
About Author
