Ukutitabira inteko ya EAC kwa Tshisekedi ntikwabujije impala gucuranga, afatirwa ibyemezo bishariye!
Mu myanzuro y’inteko rusange ya 24 y’Umuryango w’Ibihugu bya Afurika y’Iburasirazuba (EAC) iherutse kubera i Arusha muri Tanzania, abanyamuryango biyemeje kongera guhagurukira ikibazo cy’amakimbirane akomeje kuyogoza uburasirazuba bwa Repubulika iharanira Demokarasi ya Congo.
Ni icyemezo cyafashwe nyirabayazana w’ikibazo, Perezida Tshisekedi, adahari kuko yanze kwitabira iyi inama kubera gutinya kubazwa impamvu akomeje kwinangira mu nzira zose zishyirwano mu guhosha ariya makimbirane.
Abakuru b’ibihugu bya EAC bongeye kwiha umukoro wo gushakira amahoro Congo. Mu bigaragarira buri wese, barambiwe kubona Tshisekedi yinangira guhagarika amakimbirane mu gihugu cye, imbogamizi ikomeye ku iterambere ry’uyu muryango.
Kubera iyo mpamvu, abakuru b’ibihugu bemeje ko masezerano ya Luanda n’amasezerano ya Nairobi bigomba guhurizwa hamwe. Ibi bigakorwa mu rwego rwo guhuriza hamwe imbaraga no kwihutisha umugambi w’amahoro arambye mu burasirazuba bwa Congo.
Amasezerano ya Luanda igamije ku gukemura amakimbirane hagati ya Congo n’u Rwanda, mu gihe amasezerano ya Nairobi yari igamije guteza imbere ibiganiro hagati y’ubutegetsi bwa Tshisekedi n’imitwe y’inyeshyamba zaho, harimo na M23.
I Arusha, Abayobozi b’Akarere bongeye gushinja Tshisekedi ko ashyira imbere inyungu ze bwite aho gushyira imbere amahoro. Kuba adashaka amahoro mu burasirazuba abikora kugira ngo akomeze kurengera inyungu ze dore ko we nta kibazo cy’umutekano muke kimugeraho.
Ibi biravugwa mu gihe nta gihe gishize ingabo za EAC zari zoherejwe gufasha kugarura amahoro mu burasirazuba bwa Congo zirukanywe igitaraganya na Leta ya Tshisekedi azishinja kubogamira kuri M23 nyamara mu by’ukuri ari uko banze kuba ibikoresho bya Tshisekedi. Nguwo nyirabayazana wa byose!
Soma kandi: Hasohotse inyandiko ikubiyemo amabanga y’igihango gikomeye Tshisekedi afitanye na FDLR
EAC yongeye kuzana ku meza iki kibazo, isaba ubutegetsi bwa Tshisekedi kubahiriza amasezerano yari yarasinye yo kohereza ingabo za EAC, mu yandi magambo Tshisekedi akwiye gufatanya n’akarere mu gushaka igisubizo cy’amahoro ku makimbirane akomeje kumena amaraso y’inzirakarengane.
Byongeye kandi, abakuru b’ibihugu barashishikariza SADC kugirana ibiganiro na EAC mu rwego rwo guhuriza hamwe ku migendekere myiza y’amasezerano ya Nairobi n’aya Luanda.
Biraro Ernest
About Author
