Nyamuhombeza wa FDLR nareke gukomeza guta ibitabapfu!
Nyamuhombeza Ombe – umuhezanguni w’Umunye-Congo wanywanye n’interahamwe n’ibyihebe byo mu mutwe w’iterabwoba wa FDLR akomeje gukoresha imbuga nkoranyambaga mu kuyobya uburari ku byaha byibasira inyokomuntu uyu mutwe uterwa inkunga na Tshisekedi ukora mu Karere k’Ibiyaga Bigari.
Nyamuhombeza wamize bunguri ingengabitekerezo y’amacakubiri n’urwango bya FDLR, aherutse kumvikana ahuretse kumvikana ku muzindaro we wa YouTube yegeka k’ubuyobozi bw’u Rwanda ibyaha byose FDLR ikora.
Uyu muhezanguni ubarizwa mu gihugu cya Finlande birazwi ko uretse urwango afitiye ubuyobozi bw’u Rwanda, anatunzwe n’udufaranga two kuri murandasi ku miyoboro ye yahariye icengezamatwara rigamije kubusiga icyasha.
Gusa Nyamuhombeza akwiye kumenya ko ibibazo bya Congo bikwiye kubazwa ubutegetsi bwa Tshisekedi wabiteje akaba yarananiwe kubicyemura.
Muri iki kiganiro cyari cyuzuye amahomvu, uyu muhezanguni Nyamuhombeza yaganiriye na Muheto Muhizi, Umunye-Congo w’umututsi ubarizwa mu kwaha kw’umunyagitugu Tshisekedi.
Kuba uyu munsi wa none Isi yose izi neza ko Tshisekedi yashinze umutwe w’abagizi ba nabi akawita “Wazalendo” ukaba ndetse 85% by’abawugize ari Interahamwe zo mu mutwe w’iterabwoba wa FDLR, ni gihamya ko Tshisekedi akomeje umugambi weruye wo gutsemba Abanye-Congo bo mu bwoko bw’Abatutsi kuko abica ku manywa y’ihangu.
Umuhezanguni Nyamuhombeza ndetse n’abandi birirwa bata ibitabapfu babeshya Isi ku bwicanyi ubutegetsi bwa Tshisekedi bukorera abanye-congo b’Abatutsi, bakwiye kumenya ko ibinyoma byabo bishaje kandi ko bidateze gutsinda ukuri.
Ndayambaje Marc
About Author
