Ikinyamakuru IRIBA cy’ikihebe Kayumba Nyamwasa cyaburiwe irengero nyuma y’ukwezi kumwe kimaze cyandika

Tariki ya 1 Nyakanga nibwo hasohotse ikinyamakuru cyitwa IRIBA NewsPapaer, iki kinyamakuru cyakoreraga ku mbugankoranyambaga aho bashyiraga inkuru zabo kuri Facenook na Twitter, cyandikwagaho inkuru nyinshi zisebya u Rwanda kikaba cyari icya RNC ya Kayumba Nyamwasa, cyari kigamije kunganira umuzindaro wabo witwa Radio Itahuka kuri ubu uri mu marembera.

Nyuma y’uko nimero yambere isohokeye y’iki kinyamakuru, 250Tv yahise ikora ubushakashatsi ngo imenye iby’iki kinyamakuru na banyiracyo, bidatinze umusomyi wahafi wa 250Tv yahise ahamagara umunyakakuru wacu maze amuvira imuzi n’imuzingo iby’iki kinyamakuru. Mu magambo ye yagize ati:”sinifuza ko muvuga amazina yanjye ariko ndi inshuti na Jerome Nayigiziki nkaba ntuye muri Amerika, iby’iki kinyamakuru nabibwiwe na Jerome Nayigiziki ko iki kinyamakuru cyashinzwe kugirango cyunganire Radio Itahuka dore ko isa nkaho irimo ibibazo by’amakiro ntatinya kuvuga ko iri no mu marembera”.

Ku ikubitiro Kayumba Nyamwasa yahaye inshingano Jerome Nayigiziki usanzwe ari umuhuzabikorwa wa mbere w’uyu mutwe w’iterabwoba wa RNC kugirango akurikirane iby’iki kinyamakur, ndetse na Gervais Condo ahabwa inshingano zo gukurikiranira hafi ibyandikwa, maze batora uwitwa Epimaque Ntamushobora kuba umwanditsi mukuru w’iki kinyamakuru.

Bidaciye Kabiri rero nyuma y’ukwezi kumwe n’igice iki kinyamakuru cyandika cyahise kiburira irengero nyuma y’aho 250Tv ishyize hanze iby’icyo kinyamakuru ndetse abayobozi ba RNC bagatangira kwitana ba mwana uwaba yarashyize ibanga ryabo hanze dore ko bari barabigize ibanga bikaza kumenyekana cyane ko muri uyu mutwe w’iterabwoba ntabanga bagira.

Dore zimwe mu mpamvu 3 zatumye iki kinyamakuru gihagarara nyuma y’igihe gito gifunguye.

Epimaque Ntamushobora, niwe wari waragizwe umwanditsi mukuru wacyo, bivugwa ko ngo hari amafaranga bari baramwemereye kuko yagomba kubikora nk’akazi ka buri munsi, gusa nkuko tubicyesha umukunzi wacu ukurikiranira hafi ibya RNC yatubwiye ko, abagombaga gutanga imisanzu ngo bari bamaze amezi 2 nta niripfusha batanga, bituma batishyura abakoreraga iki kinyamakuru, dore ko habanje kubaho amakimbirane ya Kayumba Nyamwasa , Jerome Nayigiziki ndetse na Gervais Condo (Umunyamabanga mukuru wa RNC) ashingiye kukuba hari amafaranga amwe Kayumba Nyamwasa yahise akubita mu mufuka bamubajije aho yayashyize ananirwa kuhavuga batangira kubishwaniramo, indi mpamvu kandi ngo nuko basanze ari uburyo bw’ubutekamutwe bwa Kayumba Nyamwasa washaka kujya akoresha iki kinyamakuru mu buryo bwo kujya gusabiriza inkunga, Indi mpamvu ya gatatu yatumye iki kinyamakuru Iriba gihagarara ni uko Serge Ndayizeye Vuvuzela ukorera umuzindaro Itahuka yaje kumenya ko hari amafaranga menshi arimo gukusanywa azajya ashyirwa mu Iriba, mu gihe we amaze amezi agera muri 5 adahembwa bimutera kwigumura kugeza n’aho atangiywe gukora nkaho Itahuka arirye bwite byanacyetswe ko nawe yashakaga kurishimuta ngo ajye gufatanya na RAC urunana ya Jean Paul Turayishime, ibi byaje gutera igikuba gikomeye. Muri RNC.

Iriba NewsPaper ryari ryashyiriweho kugirango Kayumba Nyamwasa agerageze kureba niba yabona abandi bayoboke ndetse bitume abasha gukoresha iki kinyamakuru kugirango abone uko asaba utundi dufaranga dore ko RNC ubu ayoboke bamushizeho, bivugwa ko RNC isigaye isa naho ari uyumuryango we gusa, ibyo ari nabyo biri gutuma benshi bamucikaho.

Ikindi ngo cyakomye mu nkokora iyi ngirwa mushinga wabo ngo Ikihebe Kayumba Nyamwasa cyateganyaga gushinga ingirwa mpuzamashyaka ndetse nindi miryango yiyita ko idaharanira inyungu za Politike, gusa ngo uyu mushinga nawo ntiwamukundiye kuko ngo inama zose yatumije zahuzaga aba bantu ngo ntanumwe wigeze amugaragariza ko ashyigikiye icyo gitecyerezo ngo kugeza nanuyu munsi bakaba bakirwana no kuba bakwihuriza muri Rwanda Bridge Builders, aho ngo bateganyaga ko abazihuriza muri iki kintu ngo bagombaga kujya batanga umusanzu uzajya ufasha iki kinyamakuru, kuba rero iyi migambi yose itaraciyemo ngo nicyo cyatumye iki kinyamakuru cyabo kidakomeza. Ndetse ngo ibi byarakaje Ikihebe Kayumba ngo kibwira abari baremeye gutanga imisanzu ko ngo we ubwe azabyikorera, gusa ibyo nawe byaramunaniye, birangira Ntamushobora yivumbuye, avuga ko batagomba kumukinisha bigeze aho. Kuri ubu ngo ntibakivugana neza kuko bavuga ko Kayumba yabagize akarima ke.

UMWANDITSI: MUGENZI FELIX

Siga igitekerezo

This site uses Akismet to reduce spam. Learn how your comment data is processed.

%d bloggers like this: