Abarokotse Jenoside bafite inzego zibavugira zemewe, Basabose n’abambari be bakwiye kwamaganirwa kure!

Kuri iki cyumweru Taliki ya mbere Kanama 2021 nibwo umuhezanguni Basabose Philipe uba muri Canada hamwe n’abambari be bari ku migabane y’Uburayi, Amerika na bimwe mu bihugu bya Afurika batangije icyiswe “Igicumbi: Ijwi ry’abarokotse Jenoside yakorewe Abatutsi”.

Icyo kiryabarezi kije gutiza umurindi ibikorwa bisanzwe bikorwa na Basabose n’abayoboke be aho birwa babiba amacakubiri mu barokotse Jenoside yakorewe Abatutsi ari nako baharabika ubuyobozi bw’u Rwanda burangajwe imbere na RPF-Inkotanyi ari nayo yahagaritse iyi Jenoside.

Icyashenguye imitima ya benshi mu barokotse Jenoside yakorewe Abatutsi ni uburyo kiriya kiryabarezi kitwa ko kije kubavuganira kigizwe ahanini n’ibigarasha nka Tabitha Gwiza, Jean Paul Ntagara n’abandi bagize uruhare mu ishingwa ry’ibindi biryabarezi binashamikiweho imitwe y’iterabwoba nka RNC, ARC-Urunana n’indi ikomeje kuvuka mu ntumbero yo kubangamira ituze ry’Abanyarwanda.

Ikindi cyatunguye rubanda ni uburyo umuhango wo gutangiza “Ishyirahamwe riharanira inyungu z’abarokotse Jenoside yakorewe Abatutsi” watumiwemo interahamwe kabombo zirangajwe imbere na Murindahabi Jean Claude wakatiwe n’inkiko gacaca za Kabeza muri Kigali kubera uruhare rwe muri Jenoside. Izo nterahamwe zikaba zari mu batumirwa b’imena.

Hirya yo kwenyegeza ibikorwa byo guhakana Jenoside yakorewe Abatutsi no gucamo ibice abayirokotse, byaje kugaragara ko kiriya kiryabarezi ari inzira yo kwigwizaho imitungo kw’abagishinze nk’uko byumvikanye mu ijambo rigifungura aho Basabose yarisoje ahishura ko “hari uburyo bwashyizweho ngo abantu bazajye batanga inkunga” kuri icyo kirayabrezi.

Abagize iki kiryabarezi n’aho babarizwa

Canada

1.Basabose Filipo

2.Charlotte Mukankusi

3.Etienne Masozera

4.Gasana Gallican

5.Tabita Gwiza

6.Philbert Muzima

7.Dada Gasirabo

8.Clarise Kayisire Mukundente

9.Hosia Nibizi

  1. Jacqueline Cyamuzima

11.Simeo Ndwaniye

12.Abijuru Abeli

13.Emerance Kayijuka

14.Nkubana Louis

15.Ntagara Jean Paul

16.Utamuriza Eugenie

Leta zunze Ubumwe za Amerika

17.Albert Gasake

18.Innocent Sendashonga

19.Richard Niwenshuti

20.Samuel Masabo

21.Isiraheri Ntaganzwa

22.Musabyimana Jean de Dieu

  1. Jove Bayingana

Ububiligi

  1. Angelique Rutayisire

25.Donatta Uwanyirigira

26.John Nkaka

27.Emeline Munanayire

28.Gaspard Gahondogo

29.Mukarugagi Matibori

30.Alivera Mukeshimana

31.Murebwayire Agnes

32.Uwibambe Leontine

33.Miheto Ndolimana Tacien

UBuholande

34.Louis Rugambage

35.Esperance Mukashema na Sisi Evariste baherutse kwitaba Imana

Ubwongereza

36.Teddy Umurerwa

37.Rugambwa Teddy

Senegal

38.Prosper Bamara

Esipanye

39.Bizumuremyi Bonavanture

40.Murwanashyaka Theogene (Musaza wa Mukashema Esperance)

Ibyo wamenya kuri Basabose

Uyu mugabo muri Jenoside yakorewe Abatutsi 1994 yarokowe n’ingabo zari iza RPA/F nuko mu mwaka wakurikiyeho ahabwa amahirwe yo gukomeza amashuri mu cyari Kaminuza Nkuru y’u Rwanda i Butare, ari nabwo yinjiraga muri izi ngabo.

Arangije amasomo, Basabose yakoze muri Air Forces i Kanombe aza no guhabwa amahirwe yo kujya gukomeza icyiciro cya 3 cya Kaminuza muri Leta Zunze Ubumwe za Amerika yishyurirwa na Leta y’u Rwanda.

Nyuma yagarutse mu Rwanda aza gutoroka igihugu n’igisirikare ajya gushaka ubuhunzi muri Canada, gusa nubwo yagiye muri ubwo buryo ntabwo u Rwanda rwigeze rumukurikirana.

Uyu mugabo yagiye yirukanwa mu mashyirahamwe atandukanye y’abacitse ku icumu kubera imiterere ye yo kubangamira ibikorwa bya Leta biteza imbere abagenerwabikorwa b’ayo mashyirahamwe no gusebya ubuyobozi bw’igihugu ari nabwo bwahagaritse Jenoside yakorewe Abatutsi.

Ni muri urwi rwego mu mwaka wa 2018 yirukanywe mu ishyirahamwe rya “IBUKA Actions URUGEMWE” rihuje bamwe mu bacitse ku icumu rya jenoside bari hirya no hino ku Isi.

Muri rusange ibuye ryagaraye ntiriba rikishe isuka; ni nayo mpamvu Basabose n’abambari be badakwiye guhabwa umwanya kuko icyo bimirije imbere kigaragarira buri wese, akaba ari no muri urwo rwego Umuryango Uharanira Inyunga z’Abarokotse Jenoside yakorewe Abatutsi (Ibuka) wamaze kwitandukanya na kiriya kiryabarezi.

Umunyamabanga nshingwabikorwa wa Ibuka, Naphtal Ahishakiye, yabwiye Radiyo Ijwi rya Amerika ko Basabose n’abambari be ari “abantu bagaragayeho gupfobya no guhakana jenoside yakorewe Abatutsi, bashyigikira ku buryo bweruye abayipfobya n’abayihakana”.

Yunzemo ati, “Nta muryango w’abarokotse Jenoside wagira ikintu icyo aricyo cyose uhuriraho nabo. Icyo duhurizaho ni ukubagaya no kubamagana, nta muntu ukwiye kugira icyo akorana na bariya bantu kuko bagize amahitamo mabi adakwiriye”.

Basabose n’abambari be bakwiye kumenya ko icyo bakwitwaza cyose mu nyungu zabo bagamije gusubiza u Rwanda inyuma, guharabika igihugu cyababyaye no kurema amacakubiri mu Banyarwanda n’ibindi byabangamira inzira y’ubumwe n’ubwiyunge bitazigera bibahira!

Aba kandi bashatse bateka imitwe mu bindi kuko abarokotse Jenoside yakorewe Abatutsi ntibakeneye ababakina ku mubyimba kubera ko bagihanganye n’ibikomere basigiwe na Jenoside.

Mugenzi Félix

Siga igitekerezo

This site uses Akismet to reduce spam. Learn how your comment data is processed.

%d bloggers like this: