February 4, 2023

Niger yatumye interahamwe n’abambari bazo barya iminsi mikuru nabi!

Leta ya Niger yaciye iteka ryirukana abajenosideri umunani basoje ibihano nyuma yo gucirwa imanza n’urwahoze ari Urukiko Mpuzamahanga Mpanabyaha Rwashyiriweho u Rwanda i Arusha muri Tanzania.

Abarebwa n’iri teka ni Zigiranyirazo Protais, Nzuwonemeye François Xavier, Nteziryayo Alphonse, Muvunyi Tharcisse, Ntagerura André, Nsengiyumva Anatole, Mugiraneza Prosper na Sagahutu Innocent – aba bagabo bari mu benyegeje umugambi wa Jenoside yakorewe Abatutsi mu 1994, bakaba bafite iminsi irindwi yo kuba bavuye ku butaka bwa Niger guhera tariki ya 27 Ukuboza 2021.

Iyi nkuru yashegesheje interahamwe zihishe hirya no hino n’abambari bazo; ibintu bishimangirwa n’amagambo bagiye bandika ku mbuga nkoranyambaga zidatukanye. Bamwe mu bahise bigaragaza harimo agatsiko k’urubyiruko ruvuga ku bajenosideri kazwi nka ‘Jambo ASBL’ – aba mu butumwa bakomeje kunyuza kuri Twitter na Facebook bigaragara ko batazigera bizihiza ubunani.

Ubundi aba ba jenosideri bemerewe kuza mu Rwanda baramutse babishaka gusa kubera ubwicanyi ndengakamere bakoze muri Jenoside yakorewe Abatutsi ntibatinyuka kuhakandagira.

Nk’uko bizwi ntamahoro y’umunyabyaha, ariko iyo bigeze ku nterahamwe ngenzi za shitani zateguye “imperuka’’ igapfuba biba ibindi bindi – ubu usibye shitani wenyine wazigirira impuhwe akaba azicumbikiye i kuzimu ubu nta hantu na hamwe kuri iyi Si zifite ho kujya.

Izi nterahamwe zakabaye ziza mu Rwanda ariko se zahingukira he?

Umulisa Carol

Leave a Reply

%d bloggers like this: