November 28, 2022

Abahezanguni Tharcisse Semana na Nkuriza Amiel bongeye gushimangira ko banywanye n’ingengabitekerezo ya Jenoside

Abakoresha imbuga nkoranyambaga bakomeje guha inkwenene abitwa Tharcisse Semana na Nkurunziza Amiel; abahezanguni bamaze igihe bihishahisha i Burayi nyuma y’uko bicaye kuri YouTube amasaha arenga abiri bapfundapfundikanya ibinyoma k’u Rwanda.

Mu kiganiro aba bombi batambukije ku muzindaro rutwitsi wa Semana, bumvikanye ibinyoma byabashiranye ahubwo bahuragura amagambo ahembera ingegabitekerezo ya Jenoside ari nako basebya ubuyobozi bw’u Rwanda.

Izi nyangabirama zavugaga ko ko kwimura abaturage ba Kangondo na Kibiraro “byakozwe mu rwego rwo gutsikamira abaturage”, zirengagiza ko abo abaturage bimuwe bahawe ingurane ikwiye, ndetse bakaba banishimira inzu zitekanye bahawe.

Igitangaje ni uburyo Semana na Nkuriza bavanze amasaka n’amasakaramentu aho buririye ku binyoma bahimbye kuri Kangondo na Kibiraro bagamije gukwirakwiza ingengabitekerezo ya Jenoside n’andi magambo y’urwango acamo ibice Abanyarwanda.

Umwe mu basesenguzi bakurikiye aba bahezanguni waganiriye na MY250TV yagize ati: “Semana na Nkuriza niba bashaka kubaka igihugu nk’uko babivuga bakwiye gutahuka bakareka kuryongorera kuri YouTube no gukwiza urwango kuko ibyo barimo abanyarwanda barabirenze”.

Semana amaze igihe yihishahisha mu Bufaransa, igihugu yagezeyo nyuma yo gutoroka ubutabera bw’u Rwanda kubera ibyaha yakoze yihishe mu mutaka w’itangazamakuru cyane ko yari umunyamakuru wakoreraga ku butaka bw’u Rwanda.

Ni mu gihe Nkuriza we abarizwa mu miheno yo muri Suwede, igihugu yagezemo nawe atorotse ubutabera bw’u Rwanda nyuma yo gufatanwa impapuro yari yahawe n’abaparmehutu.

Aba bombi bakwiye kumenya ko induru yabo, urwango n’ingengabitekerezo bahora bakwirakwiza nta na hamwe bizigera bibageza ahubwo bizabata ku gasi dore ko bazarinda bapfa bangara.

Mugenzi Félix

Leave a Reply

%d bloggers like this: