February 4, 2023

Ibya FLN ya Rusesabagina imbwa zikomeje kubirwaniramo

Ibyumweru bibiri birihiritse muri Kivu y’amajyepfo habera imirwano karundura hagati y’inyeshyamba z’umutwe w’iterabwoba wa FLN wahoze ukuriwe na Paul Rusesabagina wakatiwe gufungwa imyaka 25 nyuma yo guhamwa n’ibyaha by’iterabwoba.

Ni imirwano iri kubera mu misozi ya Sumbwe, Kirembwe na Mwenga aho ishyamiranije abarwanyi bavuka mu gice cy’amajyepfo y’ u Rwanda bazwi nk’abanyenduga na bagenzi babo bakomoka majyaruguru ashyira iburengerazuba bw’u Rwanda bazwi nk’abakiga.

Uku gushyamirana hagati y’abanyenduga bayoboye na “Col.” Kishambongo biyomoye ku bakiga bayobowe na “Lt Gen.” Habimana Hamada kumaze kugwamo abarwanyi barenga 20.

Mu gihe kandi iyi mirwano ikomeje, Hamada ari nawe “mugaba mukuru” wa FLN yari yivuganywe n’ agatsiko kayobowe na Gen Maj Hakizimana Antoine Jeva Ushinzwe Operasiyo za gisirikare muri FLN nk’uko amakuru agera kuri MY250TV abihamya.

Aya makimbira ashingiye ku kutumvikana ku misanzu FLN yakira ivuye mu bambari bayo bayo batuye ibwotamasimbi, ashingiye kandi ku ndonke iva mu bucukuzi bw’amabuye y’agaciro bukorerwa mu birombe uyu mutwe washimuse muri Kivu y’Amajyepfo.

Twagiramungu Faustin uzwi nka “Rukokoma” ari mu batuma aya makimbirane arushaho gufata indi ntera cyane ko ari nawe wasigaye ku buyobozi bw’uyu mutwe kuva ubwo Rusesabagina yatabwaga muri yombi.

Ibiri kubera muri FLN ni indi gihamya ko abiyita ko barwanya u Rwanda nta cyo barwanira.

Mutijima Vincent

Leave a Reply

%d bloggers like this: