February 4, 2023

Uburyarya no guhuzagurika mu mvugo kwa Ingabire Victoire ku karubanda nyuma y’uko “bucura” bwe ageze mu Rwanda

Mu masaha y’igicukuru yo kuri uyu wa Kane tariki ya 13 Ukwakira 2022 umuhezanguni Ingabire Victoire Umuhoza uyobora udutsiko twa FDU-Inkingi na DALFA-Umurinzi yatangaje abinyujije kuri Twitter ko yishimiye kwakira bucura bwe “nyuma y’imyaka 12”.

Ni ubutumwa yasoje avuga ngo “u Rwanda ruragendwa”, ibintu ubusanzwe bihabanye n’amagambo y’ubugome amuhora mu kanwa aho adasiba gukoresha itangazamakuru mu kubuza abantu kuza mu Rwanda agendeye ku icengezamatwara riba mu mutwe we ko “u Rwanda rudatekanye”.

Biragayitse kubona Ingabire yivuguruza kenshi kubera inyungu ze bwite mu gihe mu nyungu rusange ho ahora ashaka kugumura Abanyarwanda, ariko kuko umwana we yaje kumusura mu buryarya bwinshi agahita yemera ko u Rwanda rugendwa!

Si ubwa mbere Ingabire asuwe n’urubyaro rwe cyane ko n’imfura ye, Ujeneza Raissa,  iherutse kumusura imuzaniye n’abuzukuru aho by’umwihariko uyu mwana yavuguruje icengezamatwara rya nyina maze ahamya ko u Rwanda rutekanye, rwateye imbere kandi ko abantu “bagomba kurusura nta cyo bikanga”.

Magingo aya abantu bari kwibaza impamvu nyina wa Ingabire, Dusabe Thérèse, nawe atamusura mu Rwanda; gusa iyo mpamvu ingana ururo cyane ko Dusabe adashobora gukandagiza ikirenge ku butaka bw’u Rwanda kubera ko yahamijwe ibyaha bya Jenoside.

Uyu Dusabe yagize uruhare rukomeye mu kwica ibihumbi by’Abatutsi  mu cyahoze ari komine Butamwa ubu ni murenge wa Mageragere ho mu Karere ka Nyarugenge, icyo gihe uyu mukecuru yari akuriye ikigo nderabuzima cya Butamwa.

Ingabire yabonywe imboga mu menyo; uburyarya no kwivuguruza mu mvugo kwe nta cyo bizamugezaho.

Ellen Kampire

Leave a Reply

%d bloggers like this: