February 4, 2023

Jambo ASBL ikwiye kumenya ko ibinyoma byayo ku Rwanda bitazarubuza  gukomeza gutera imbere

Abayoboke b’agatsiko k’urubyiruko rukomoka ku bajenosideri kazwi nka Jambo ASBL, bamaze igihe ku mbuga nkoranyambaga basebya u Rwanda, bahakana ndetse bakanapfobya Jenoside yakorewe Abatutsi ari nako bakwirakwiza ingengabitekerezo yayo.

Kuri ibyo hiyongeraho gushinja u Rwanda ibinyoma bitandukanye bidafite umutwe n’ikibuno ariko igitangaje nta na rimwe ibinyoma byabo byigeze bihabwa intebe imbere ya ba gashakabuhake baregera.

Abo bagabo n’abagore batuye i Burayi cyane cyane mu Bubiligi.

Kimwe mu binyoma bitava mu kanwa k’abambari ba Jambo ni uko ngo mu Rwanda hari “abantu bashimutwa, bakicwa  ndetse abandi bakaburirwa irengero” ni ikinyoma Leta y’u Rwanda n’abaturage muri rusange badahwema kunyomoza.

Gusa Jambo yabigize iturufufu cyane ko abambari bayo bibwira ko gukomeza gukwirakwiza ibyo ibinyoma buri munsi aribyo bituma bihinduka ukuri, gusa baribeshya cyane ko nta na rimwe ikinyoma kigeze kiganza ukuri.

Nk’urugero Ruhumuza Mbonyumutwa, umuhungu w’umujenosideri kabombo Shingiro Mbonyumutwa akaba n’umwuzukuru wa Dominiko mbonyumutwa sekuru w’ingengabitekerezo ya Parmehutu, aherutse kwandika kuri Twitter agarura ikinyoma cy’uko ngo “Leta y’u Rwanda yashimuse” uwitwa  Boniface Twagirayezu.

Uwo Twagirayezu ngo yari umuyoboke wa FDU-Inkingi, ingirwashyaka ibarizwa mu kwaha kw’umutwe w’iterabwoba wa FDLR, gusa ibyo si ubwa mbere yari abyanditse  ahubwo yari abigaruye kugira ngo yongere abyegeke kuri Leta.

Ruhumuza Mbonyumutwa ndetse na begenzi be ba Jambo, izindi nterahamwe zibumbiye muri FDU-Inkingi n’abandi birengagiza ko abenshi muri aba bantu bahora bavuga ngo baburiwe irengero ari bo babohereje mu mashyamba ya Congo.

Ibyo biri mu mugambi wo guhuza abo bavuga ko “bashimuswe” n’imitwe y’iterabwoba  aba banzi b’u Rwanda basanzwe batera inkunga nka FDLR, RUD Urunana, FLN n’iyindi hanyuma bamara kugerayo aba bamotsi bakandika mu bitangazamakuru byabo no ku mbuga nkoranyambaga ko abantu babo babuze.

Ingero zirahari nyinshi z’abantu bagiye bavugwaho ko ngo baburiwe irengero nyamara baragiye mu bindi bihugu cyangwa mu mashyamba ya Congo, urugero rwa hafi ni nk’uwitwa Alexis Bakunzibake wari umuyoboke wa PS-Imberakuri wavuzwe ko yaburiwe irengero nyuma akaza gufotorwa ari mu nama ya FDLR muri Congo.

Kubona aka gatsiko ka Jambo asbl kirirwa gashyira ibirengo nk’ibi bidafite ishingiro ku Rwanda ariko bikanga bigafata ubusa, bigaragaza ko ntacyo bazageraho dore ko kuri ubu u Rwanda rwabaye amarembo y’Isi aho usanga inama zikomeye zibera muri iki gihugu.

Ku rundi ruhande raporo nyinshi mpuzamahanga zisohoka zishima u Rwanda yaba mu mutekano, mu bukungu, mu kubahiriza amategeko n’ibindi, ikimenyetso cyerekana ko Jambo ASBL icurangira abahetsi.

Mugenzi Félix

Leave a Reply

%d bloggers like this: