February 4, 2023

Interahamwe zigeze aho ziramya Ingabire Victoire!

Interahamwe n’abajenosideri batorokeye ubutabera hirya no hino ku Isi bongeye guhurira ku mbuga nkoranyambaga mu ikinamico igamije gusingiza Ingabire Victoire Umuhoza, umuhezanguni aba banyabya bita “umucunguzi” wabo.

Aba banyabyaha ruharwa bahisemo tariki ya 14 Ukwakira ya buri mwaka nk’umunsi bava mu miheno basanzwe babarizwamo aho bajya ku mbuga nkoranyambaga maze bakirirwa basingiza Ingabire wahamijwe ibyaha byo guhakana no gupfobya Jenoside yakorewe n’Abatutsi akabifungirwa imyaka 8 akaza gufungurwa nyuma yo gutakambira Umukuru w’Igihugu.

By’umwihariko iyo byendagusetsa uyu mwaka yabereye kuri ‘Radiyo Inkingi’, umuzindaro rutwitsi w’ingirwashyaka FDU-Inkingi isanzwe ibarizwa mu kwaha kw’umutwe w’iterabwoba wa FDLR aho by’umwihariko iyoborwa na Ingabire kuva yashingwa n’ubwo uyu muhezanguni ayobya uburari abwira abatamuzi ko ‘yaciye ukubiri’ nayo.

Mu bagaragaye muri uriya munsi uhimbaza Ingabire harimo uwitwa Leon Ruhungira uhagarariye interahamwe n’abajenosideri bihishe mu Bufaransa by’umwihariko mu Mujyi wa Lyon, aba bakaba babarizwa mu gatsiko bise “Communauté Rwandese de Lyon”.

Barimo kandi uwitwa Perpetue Muramutse uhagarariye abagore b’abagome birirwa bakwirakwiza ingengabitekerezo ya Jenoside mu bana babyaye aho aba bahezanguni b’abakecuru biyita ko “baharanira demokarasi n’amahoro” binyuze mu cyo bita “RIFDP”.

Hanagaragayemo Marie Josee Ufitamahoro wari uhagarariye agatsiko k’urubyiruko ruvuka ku bajenosideri ruba hirya no hino i Burayi, ako gatsiko kazwi nka Jambo ASBL, aba nabo bakaba bafata Ingabire nka nyina wabo mu bijyanye no kubiba urwango n’amacakubiri mu Banyarwanda.

Abo bahezanguni bose bibanze mu kwiriza amarira y’ingona aho mu buryarya bwinshi bavugaga ko hari abantu mu Rwanda “bafungiwe ubusa”, abo bakaba ari abantu bisanzwe bizwi ko bari ibikoresho bya Ingabire aho ku mabwiriza ye bagiye bakora ibyaha bitandukanye ari nabyo byatumye bisanga imbere y’ubutabera.

Muri abo harimo Karasira Aimable, Idamange Iryamugwiza Yvonne, Dieudone Niyonsenga wiyita  Cyuma Hassan, Theoneste Nsengimana na Hakuzimana Abdul Rashid.

Abo bose nta n’umwe uvuyemo bakoze ibyaha bihanwa n’amategeko birimo guhakana no gupfobya Jenoside yakorewe Abatutsi, kugumura abaturage n’ibindi, bamwe bamaze gukatirwa n’inkiko mu gihe abandi bakiburana.

Aba baramya Ingabire bari kurushaho gushimangira ko akwiye kongera gushyikirizwa ubutabera bitewe n’imigambi mibisha ahoramo bafatanyije binyuze muri FDU-Inkingi na DALFA-Umurinzi, udutsiko tw’abagizi ba nabi yashinze ngo akomeze ahungabanye umutekano w’u Rwanda n’abanyarwanda.

Izi nyangabirama ntizizatinda kubona ko ntawahemukiye Abanyarwanda ngo bimugwe amahoro, bakwiye kumenya kandi ko nta kure habaho ukuboko kw’ubutabera kutagera!

Ellen Kampire

Leave a Reply

%d bloggers like this: