February 4, 2023

Abajenosideri bakihishahisha mu mahanga baririwe ntibaraye

Abajenosideri batorotse ubutabera bw’u Rwanda bubuze ayo bacira n’ayo bamira aho bari mu miheno itandukanye basanze bihishamo hirya no hino ku Isi.

Ni nyuma y’uko ku mugoroba wo kuri uyu 19 Ukwakira 2022 bakiriye inkuru nshamugongo ko umwe muri bo utatangajwe amazina yatawe muri yombi n’igihugu cya Norvege aho ari hafi no koherezwa mu Rwanda kuburanishwa ku ruhare yagize muri Jenoside yakorewe Abatutsi mu 1994.

Ibi bije nta minsi ishize urubanza rw’umujenosideri kabombo Kabuga Felicien rutangiye; iyi akaba ari indi ntambwe mu rugendo rwo gushyigikira ubutabera ku bajenosideri bakidegembya mu mahanga.
Ni mu gihe bamwe muri abo bajenosideri batangije ubukangurambaga bwo guhakana iyi jenoside bakoze bafatinyije n’abo bibarutse ndetse n’abagifite ingengabitekerezo ya jenoside.

Muri abo harimo Marcel Sebatware, Charles Ndereyehe, Theophile Mpozembizi na Pierre Celestin Rwalinda, babarizwa mu cyo bise FDU Inkingi gisanzwe kibarizwa mu kwaha kw’umutwe w’iterabwoba wa FDLR ndetse na Denise Zaneza, Ruhumuliza Mbonyumutwa n’abandi batandukanye bo muri Jambo ASBL.

Izi mbaraga zigenda zishyirwa mu kugeza imbere y’ubutabera abajenosideri zivuze ikintu kinini kuri izi nkoramaraso zikidegembya zirangajwe imbere na Agathe Kanziga Habyarimana wari umufasha w’umunyagitugu Habyarimana Juvenal akaba no mu “kazu” kateguye Jenoside nyiri zina.

Bitinde bitebuke, aba bajenosideri bose bazisanga imbere y’ubutabera cyane ko Jenoside ari icyaha kidasaza.

Mutijima Vincent

Leave a Reply

%d bloggers like this: