February 4, 2023

Impanuro za Perezida Kagame mu nama ya Biro Politike ya RPF-Inkotanyi (Video)

Ku wa Gatanu no kuri uyu wa Gatandatu, Perezida Kagame akaba na Chairman w’Umuryango RPF Inkotanyi na Madamu Jeannette Kagame, bifatanyije n’abanyamuryango barenga 2,000 ba FPR baturutse mu gihugu hose mu nama ya Biro Politike.

Muri iyi nama yabereye mu nyubako ya Intare Conference Arena iherereye ku kicaro gikuru cy’Umuryango i Rusororo ho mu Karere ka Gasabo, yanitabiriwe n’abahagarariye indi mitwe ya politike ikorera mu Rwanda ndetse n’abahagarariye amadini n’amatorero akorera mu Rwanda.

Ku munsi wa mbere w’iyi nama Perezida Kagame yakebuye abayobozi bigize indakoreka, avuga ko nibadahinduka bazahura n’ingaruka zikomeye kuko ikibi mu Rwanda kitagomba gutsinda icyiza.

Ati “Abayobozi bagenda bakabyimba, ndetse barangiza ubwo buremere bwawe ukagira abo ugomba kubutereka ku mitwe, buri wese akamenya ko kanaka ageze aho, abantu bose bagomba guhagarika ibyo bakoraga. Abo usanze ahatangirwa serivisi ukaza ureze agatuza, ukanyura ku bandi bose bahereye mu gitondo bahagaze ku murongo.”
Yakomeje agira ati “ Ibyo ni ibya kera. Nari nzi ko tugomba kubisiga inyuma ariko biracyaza. Bya bindi bya ba’ Uzi ico ndi co?’. Numvise ko hari uwabahaye igisubizo arababwira ngo ‘Uri ico ntazi’. Ukora ibyo aba ari ‘ico ntazi’. Mubihagarike mubiveho, ibibazo dufite guhangana nabyo, aho tujya n’ibyo dushaka kugeraho birenze ibyo inshuro nyinshi.”

Ushobora gukurikirana izindi mpanuro Umukuru w’Igihugu yatanze ku munsi wa mbere w’iyi nama ya Biro Politike ya RPF mu mashusho ari hasi aha.

Mugenzi Felix

Leave a Reply

%d bloggers like this: