December 7, 2022

Abasirikare bashya u Rwanda rwungutse batumye interahamwe zivuga amangambure!


Mu gihe Abanyarwanda bakiri mu byishimo byo kuba ejo hashize barungutse abasirikare bashya 568 bafite ipeti rya ‘Second Lieutenant’, interahamwe mu miheno itandukanye zisanzwe zihishamo zo ziri guhekenya amenyo hafi kuyamarira mu nda.


Muri aba basirikare b’abahanga u Rwanda rwungutse harimo na 2nd Lt. Ian Kagame, umuhungu wa Perezida Kagame uri mu kiciro ry’abasirikare bo bakurikiranye amasomo mu bihugu by’inshuti cyane ko we, 2nd Lt. Park Udahemuka na 2nd Lt. David Nsengiyumva bize mu Bwongereza muri Royal Military Academy.


Iyi nkuru yakorogoshoye interahamwe zatorokeye ubutabera hirya no hino ku Isi aho kubera ubwoba n’ihahamuka zisanganwe zihutiye gusohora inyandiko ndende idafite epfo na ruguru mu gitangazamakuru rutwitsi kibarizwa mu ngirwashyaka yazo izwi nka ‘RANP Abaryankuna’.


Izi nterahamwe zageze kure mu gushaka igisobanuro cyo kuba Ian Kagame yarahisemo kuba umusirikare w’umwuga ndetse anarahira ashize amanga kurinda ubusugire bw’urwamubyaye nyuma yo kuminuza mu ishuri ryo mu Bwongereza ryihariye kuba ryigisha gusa igisirikare.


Ubuhezanguni bwabase interahamwe ntibushobora gutuma ziyumvisha ko Ian kimwe nk’abandi bana bose b’u Rwanda afite uburenganzira bwo kwiga icyo yihitiyemo kandi yumva akunze; ibintu byatumye izi nyangabirama zivuga amagambo zidashobora gusubiramo.


Izi nterahamwe kandi ntizizi ko sitati igenga Ingabo z’u Rwanda (RDF) igena ko umuntu wese wakurikiraniye amasomo ya gisirikare hanze y’u Rwanda nyuma yo kuyasoza aba agomba kubanza kurahira kugira ngo abone gukorera igihugu; nk’uko byagenze kuri Ian na bagenzi be cyo kimwe n’abandi bababanjirije.


Muri iriya nyandiko idafite umutwe n’ikibuno, interahamwe ntizihisha kugaragaza ko zatitijwe bikomeye no kuba RDF ikomeje kunguka imbaraga z’abakiri bato barimo na Ian Kagame.


Gusa icyo interahamwe zitazi ni uko aba basirikare bashya binjiranye intego yo gukomeza umusingi wubatswe n’ingabo zari RPF/A zahagaritse Jenoside yakorewe Abatutsi ndetse zibohora u Rwanda aba bicanyi bari baragize akarima kabo.


Umusesenguzi mu by’umutekano waganiriye na MY250TV nyuma yo gusoma icengezamatwara ry’izi nterahamwe yagize ati: “Aba biyita abaryankuna n’izindi nterahamwe muri rusange icyo nabisabira ni ugushyira umupira hasi bakiga kwakira ibirenze ubwenge n’ubushobozi bwabo.”


Yunzemo ati: “Aba bicanyi ruharwa bakwiye kumenya ko ibinyoma bahora basubiramo n’ibindi bahimbahimba nta cyo biteze guhindura ku buyobozi burangajwe imbere n’Umuryango RPF-Inkotanyi biyita ko barwanya. U Rwanda razakomeza gutera imbere kuko amanjwe yabo nta cyo ashobora guhindura.”


Interahamwe by’umwihariko abambari b’iki kiryabarezi ngo ni ‘abaryankuna’ bakwiye kumenya ko u Rwanda rwaguye inshuro imwe kandi nabwo rwabashije kubyuka aho nta Munyarwanda uzemera kuyobywa n’aba banzi b’u Rwanda.


By’umwihariko aba biyita ‘abaryankuna’ nibadahinduka bazarya n’ibitaribwa cyane ko ntawahemukiye u Rwanda n’Abanyarwanda ngo bimugwe amahoro. Rwanda itajengwa na sisi we nyewe!


Ubwanditsi

Leave a Reply

%d bloggers like this: