December 7, 2022

“Guverinoma” ikorera mu cyuka ya Nahimana ni yo ikoresha umuhezanguni Bicahaga – Ibimenyetso


Hamenyekanye ko ingirwa-guverinoma ikorera mu cyuka ya “Padiri” Nahimana Thomas ari yo ikoresha umuhezanguni Bicahaga Abdallah umaze iminsi akoresha YouTube mu gukwirakwiza imvugo zihakana Jenoside yakorewe Abatutsi mu 1994.

Ibi byamenyekanye nyuma y’uko habonetse ubutumwa bw’ibanganga Bicahaga yandikiye kuri WhatsApp uwitwa Jean Paul Ntagara ufatwa nka “Minisitiri w’Intebe” muri iriya “Guverinoma” y’umusazi Nahimana aho yamwishinganishagaho igiye yahamagazwaga n’Urwego rw’Igihugu rushinzwe Ubugenzacyaha (RIB).


Ubwo butumwa MY250TV yabonye, Bicahaga abusoza avuga ngo: “…nkaba nishinganisha dore ko ntakizere cyo kuba batakurigisa cyane ko ntanurupapuro rumoagaza[rumpamagaza] bampaye murakoze murakarama.”


Abasesenguzi mu ngeri zinyuranye ntibiyumvisha uburyo Bicahaga yishinganisha ku banzi b’u Rwanda by’umwihariko bazwiho kuba badasiba gukwiza icengezamatwara rihakana rikanapfobya Jenoside yakorewe Abatutsi.


Umwe mu baganiriye na MY250TV yagize ati: “Biragaragara neza ko iriya ngirwa-guverinoma ya Nahimana ariyo muterankunga mukuru w’uburozi Bicaha akomeje guha Abanyarwanda kuko nk’uko buri wese abibona muri buriya butumwa Bicahaga yabwiraga sebuja.”


Yunzemo ati: “Ibiri amahire ni uko agatsiko ka Nahimana n’uyu Bicahaga bose bavuga bimwe, rero nta yindi gihamya ikenewe mu kugaragaza isano iri hagati y’aba bombi.”


Kuba byaragaragaye ko ikiryabarezi cya Nahimana kiri inyuma ya Bicahaga ni ikindi gisobanuro cy’impamvu uyu muhezanguni yiyemeje kudaca ukubiri n’ibitekerezo by’ivangura anyuza ku muzindaro we wa YouTube n’ubwo RIB yamugiriye inama yo kwisubiraho.


Ellen Kampire

Leave a Reply

%d bloggers like this: