November 28, 2022

Turi ibihugu bito ariko bifite icyerekezo cyagutse – Perezida Kagame

Perezida Paul Kagame yavuze ko u Rwanda na Barbados ari ibihugu bito, ariko bifite icyerekezo cyagutse, cyo kuzamura urwego rw’imibereho y’abaturage.

Ibi Perezida Kagame yabigarutseho kuri uyu wa Kane tariki 10 Ugushyingo 2022, ubwo yakiraga Minisitiri w’Intebe wa Barbados, Mia Amor Motley uri mu ruzinduko rw’iminsi itatu mu Rwanda, rugamije kurushaho kunoza umubano w’ibihugu byombi.

Mu kiganiro n’abanyamakuru nyuma y’ibiganiro byabereye mu muhezo, Perezida Kagame yavuze ko abayobozi bombi bahagarariye umuhango w’isinywa ry’amasezerano abiri, mu bijyanye na siporo ndetse n’ay’ingendo zo mu kirere.

Perezida Kagame yavuze ko ibiganiro bagiranye bitanga umusaruro ndetse ahamya ko uru ruzinduko rwa Minisitiri w’Intebe wa Barbados n’intumwa ayoboye, bije gushimangira umubano ukomeye usanzwe uri hagati y’ibihugu byombi mu nzego zitandukanye.

Yagize ati “Umubano wacu urenze kure ibi. Turi ibihugu bito bifite icyerekezo kigari cyo kuzamura urwego rw’imibereho myiza y’abaturage bacu.”

Minisitiri w’Intebe Mottley, yavuze ko ari iby’agaciro kuba ari mu Rwanda ndetse ashimangira ko amasezerano yasinywe hagati y’ibihugu byombi arimo n’imikoranire mu bijyanye n’ubwikorezi bwo mu kirere, byose bigamije ineza no kuzamura imibereho n’iterambere ry’abaturage.

Ubwanditsi

Leave a Reply

%d bloggers like this: