January 30, 2023

Agahomamunwa: “Gafirifiri” Kayumba noneho ashaka kwigira umuteruzi w’ibibindi mu butegetsi bwa Tshisekedi


Umuhezanguni w’umutwe w’iterabwoba wa RNC, Kayumba Rugema uzwi nka Gafirifiri akomeje kwiha amenyo y’abasetsi ku mbuga nkoranyambaga nyuma y’uko atangiye uyu mwaka agaragaza uguhakwa gukomeye kuri Perezida wa Congo, Félix Tshisekedi.

Ni ibintu bisetsa abahurira n’uyu Rugema ku mbuga nkoranyambaga aho bahuriza ku kumuha inkwenene bamubaza inyungu azavana mu gucinya inkoro ku mutegetsi w’igihugu kitari icye kandi nawe wananiwe gutegeka icyo gihugu.

Nk’urugero iyi nzererezi Rugema izwiho kuba imaze imyaka yicira isazi mu jisho muri Noruveje, iherutse kwifata ijya ku mbuga nkoranyambaga isubiramo ijambo ku rindi imvugo gashoza-ntambara Tshisekedi akunze kuvuga yegeka ku Rwanda ibibazo yananiwe gukemura.

Ni mu gihe na RNC Rugema abarizwamo yeruye igapfukamira Tshisekedi by’umwihariko nyuma y’uko mu mpera z’umwaka ushize ateshagujwe akavuga ko ashaka “kubohora” u Rwanda n’Abanyarwanda.

Ambabari ba RNC bari kwikirigita bagaseka cyane ko Tshisekedi bishingikirije nawe ntaho ahagaze – u Rwanda razakomeza gutera imbere mu gihe uyu mutwe wo uzakomeza gusenyuka kubera ko wubakiye ku musenyi.

Ellen Kampire

Leave a Reply

%d bloggers like this: