Gaspard ni ishusho nziza y’ ingengabitekerezo ya Jenoside yoretse agatsiko ka FDU-Inkingi
Gaspard Musabyimana, umumotsi w’agatsiko k’intagondwa z’interahamwe zibumbiye mu kiswe “FDU-Inkingi” ndetse n’umutwe w’iterabwoba wa FDLR yongeye kumvikana apfobya Jenoside yakorewe Abatutsi ndetse anaca igikuba muri rubanda.
Mu kiganiro iyi ntagondwa ya FDU Inkingi yakoreye k’umuzindaro rutwitsi (Radio Inkingi) yashinze ngo ajye anyuzaho amatakaragasi ye ngo n’ ibiganiro, yagerageje gutesha agaciro imibare yatangajwe n’urwego rw’Igihugu rw’ ubugenzacyaha (RIB) igaragaza ko abarenga 62 bagaragaweho ibyaha by’ingengabitekerezo ya Jenoside mu cyumweru cyo kwibuka.
Uyu muhezanguni kandi yashatse guhuza gahunda yo kwibuka Jenoside yakorewe abatutsi n’ ingamba zafashwe zo guhashya abajura n’ ibisambo byayogoje abaturage muri iyi minsi. Ibi uyu mumotsi abikora rwego rwo gusiga icyasha ubuyobozi Abanyarwanda bitoreye ngo ‘’bwica abaturage.’’
Uyu muhezanguni Musabyimana akaba n’ intumwa y’agatsiko ka FDU bakomeje gushinyagurira abanyarwanda bunamiye inzirakarengane za Jenoside yakorewe Abatutsi mu gihe cy’ iminsi 100.
Mu minsi yashize ububisha bw’uyu muhezanguni ndetse ni imigambi ye gupfobya no guhakana Jenoside yakorewe Abatutsi biherutswe gushyirwa ahagaragara na Ministiri Dr Bizimana J.Damascene.
Umumotsi Musabyimana Gaspard, ni ikivume mu umuryango we kubera ibikorwa bye bibi, nkuko byemejwe na mushiki we ubu ufashwa na leta, aho yavuze ko umuryango witandukanije n’umurongo mubi musaza wabo yishoyemo.
Uburozi uyu Musabyimana Gaspard ahora avundereza ku muzindaro wa Radio Inkingi ni ishusho nziza y’ uburyo agatsiko ka FDU Inkingi kifuza guhora gateza amacakubiri mu Banyarwanda. Ibintu ubumwe bw’abanyarwanda butazemera na gato.
Umulisa Carol
About Author
