Hari kwibazwa ku cyanga cya shampiyona y’u Burayi itarimo Messi na Ronaldo
Abakunzi ba ruhago hirya no hino ku Isi batagereje kureba uko za shampiyona z’u Burayi zizaba zimeze zidafite Leon Messi na Christiano Ronaldo, abagabo bamaze imyaka 15 baryoshya izi shampiyona.
Ni mu gihe aba bagabo bombi bamaze kwemeza ko berekeje mu zindi shampiyona zidafite izina rikomeye mu ruhando mpuzamahanga.
Nk’urugero, kuri uyu wa Gatatu tariki ya 7 Kamena 2023 nibwo Messi yatangaje ko azasinyira ikipe ya Inter Miami yo muri Leta zunze ubumwe za Amerika.
Ku rundi ruhande, Cristiano Ronaldo we amaze umwaka w’imikino akanira ikipe ya Al-Nassri ibarizwa muri Arabiya Sawudite.
Messi na Ronaldo baryoshyaga shampiyono y’u Burayi kuko barwaniye ibihembo by’umukinyi mwiza “Ballon d’or” mu myaka 15 ishize byongerera icyanga n’igikundiro iyi shampiyona.
Messi yatwaye ballon d’or inshuro zirindwi mu gihe mukeba we Ronaldo yayitwaye inshuro eshanu.
Ese amakipe y’i Burayi azongera kubona abakinnyi beza nk’aba, mu myaka 10 iri mbere? Nibyo kwitega.
Karemera Jean Luc
About Author
