Bwa mbere mu mateka Man City yegukanye “Champions League” – AMAFOTO

Ikipe ya Manchester City yo mu Bwongereza mu ijoto ryo kuri uyu wa Gatandatu tariki ya 10 Kamena 2023 yegukanye igikombe cya UEFA champions league itsinze Inter Milan yo mu Butaliyani 1 – 0.

Ni umukino wabereye i Instanbul muri Turukïye.

Iki gikombe ikipe ya Manchester city yari igifitiye inyota cyane kuko kuva yagurwa n’abaherwe ba Qatar itari yaragitwayeho mu mateka yayo.

Ni mu gihe mu myaka ishize iyi kipe ya Mancity yagerageje kugera ku mukino wa nyuma ariko ntiyabasha kugitwara.

Mu gice cya mbere ikipe ya Man city niyo yari imbere cyane kuko abakinnyi nka Bernardo Silva na Erling Haaland bahushije ibitego byari byabazwe.

Nko ku munota wa 26 Erling Haaland yahushije uburyo bwiza arikumwe n’umunyezamu André Onana ariko Onana awukozaho ivi ujya hanze.

Igice cya kabiri cyatangiranye imbaraga ku ruhande rwa Inter Milan banatagiye basimbuza Edin Džeko yasimbuwe na Romelu Lukaku, ibi byatumye interMilan yataka cyane, ariko ku munota wa 67 ibintu byaje guhinduka ikipe ya Manchester city ibona igitego cyatsinzwe na Rodrigo ku ishoti yatereye kure, umunyezamu Onana ntiyakurikira.

Ikipe ya Manchester city ibaye ikipe ya Kane yo muri Premier league itwaye kino UEFA champions league nyuma ya Manchester united, Liverpool na Chelsea FC, ndeste inaba ikipe yakabiri itwaye ibikombe bitatu mu mwaka umwe nyuma ya Manchester United.