Bernardo Silva wa Man City yakoze ubukwe bubereye ijisho n’umunyamideli – AMAFOTO
Umukinnyi wo hagati mu ikipe ya Manchester City yo mu Bwogereza, Bernardo Silva, kuri uyu wa Gatandatu tariki ya Mbere Nyakanga 2023 yasezeranye n’umunyamideli uzwi cyane muri Portugal uzwi nka Ines Tomaz imbere y’abatumirwa 250.
Muri abo batumirwa harimo na bagenzi be bakinana mu ikipe ya Manchester City nka Ruben Dias, Riyad Mahrez, Kyle Walker na Joao Cancelo bigize gukinana ubu akaba abarizwa muri Bayern Munich.
Ni ibirori bibereye ijisho byabereye muri hoteli iri mu kibaya cya Douro uvuye mu mujyi wa Porto uherereye mu majyaruguru ya Porutugali.
Bernando Silva yafashije Manchester City mu gutwara ibikombe harimo icya Shampiyona, FA Cup ndetse atsinda igitego rukumbi cyahesheje ikipe ye gutwara igikombe cya UEFA Champions league ku nshuro ya mbere mu mateka.
Karemera Jean Luc
About Author
